Margashirsh Month 2022 : ज्योतिषशास्त्रात प्रत्येक महिना कोणत्या ना कोणत्या देवतेला समर्पित असतो. कार्तिक महिन्यानंतरचा महिना म्हणजे मार्गशीर्ष महिना. हा महिना भगवान श्रीकृष्णाला समर्पित आहे.

हिंदू धर्मात, प्रत्येक महिना कोणत्या ना कोणत्या देवतेच्या उपासनेसाठी समर्पित आहे. कार्तिक महिना तुळशी आणि भगवान विष्णूला समर्पित आहे. त्याचप्रमाणे कार्तिक नंतर येणारा मार्गशीर्ष महिना श्रीकृष्णाच्या उपासनेसाठी समर्पित आहे. या संपूर्ण महिन्यात भगवान श्री कृष्ण आणि त्यांच्याशी संबंधित गोष्टींची पूजा केल्यास भगवान श्रीकृष्ण आणि लक्ष्मी देवीचा आशीर्वाद प्राप्त होते.

मार्गशीर्ष हा हिंदू दिनदर्शिकेनुसार वर्षातील नववा महिना आहे. २३ नोव्हेंबरला अमावस्येनंतर २४ नोव्हेंबरपासून मार्गशीर्ष महिना सुरू होईल. ज्योतिष शास्त्रानुसार या महिन्यात शंखपूजेचे विशेष महत्त्व सांगण्यात आले आहे. या महिन्यात शंखपूजन केल्याने लक्ष्मीची कृपा प्राप्त होते असे म्हणतात.

धनप्राप्तीसाठी शंखाचे हे उपाय करा

मार्गशीर्ष महिना सुरू होण्यास काही दिवस उरले आहेत. यापैकी कोणताही उपाय केल्यास लक्ष्मी देवीची कृपा तुमच्यावर होईल आणि घरामध्ये पैशांचा पाऊस पडू लागेल.

- या महिन्यात दक्षिणावर्ती शंखामध्ये दूध भरावे आणि याने भगवान विष्णूला अभिषेक करावा याने धनाची प्राप्ती होते.

- या महिन्यात केव्हाही मोती शंखात तांदूळ भरून गुंडाळी बनवा आणि तिजोरीत ठेवा.

- असे मानले जाते की मार्गशीर्ष महिन्यात विष्णू मंदिरात शंख दान केल्याने व्यक्तीला आर्थिक अडचणींपासून मुक्ती मिळते.

- देवी लक्ष्मीला प्रसन्न करण्यासाठी या महिन्यात दक्षिणावर्ती शंखामध्ये गंगाजल आणि केशर मिसळून अभिषेक केल्याने संपत्तीचा वर्षाव होतो.

- मार्गशीर्ष महिन्यात शंखपूजा करणे अत्यंत शुभ मानले जाते. घरामध्ये दक्षिण दिशेला शंख स्थापित केल्याने सुख-समृद्धीची उणीव होत नाही.

- जर एखाद्या व्यक्तीच्या कुंडलीत शुक्र दोषामुळे धन येत नसेल तर पांढरा शंख, तांदूळ, बत्ताशे पांढर्‍या रंगाच्या कपड्यात गुंडाळून नदीत टाकून द्या. हा उपाय खूप चमत्कारिक आहे. तुम्ही असे केल्यावर तुमचे दिवस बदलतील.

Disclaimer: सदर लेख फक्त सामान्य माहितीसाठी आहे. सकाळ माध्यम समूह अशा कोणताही गोष्टींचे समर्थन करत नाही. योग्य इलाजासाठी ज्योतिष तज्ञांचा सल्ला घ्यावा.