Surya Grahan 2022 : हिंदू धर्मात सूर्यग्रहणाचे खूप महत्त्व मानले जाते. खगोलशास्त्राच्या दृष्टीनेही ही एक महत्त्वाची घटना आहे. सुतक कालावधी सूर्यग्रहणाच्या १२ तास आधी सुरू होतो आणि सुतक काळात आणि ग्रहणाच्या काळात अन्न खाऊ नये असे मानले जाते.

हिंदू मान्यतेनुसार ग्रहण काळात काही राशींवर शुभ तर काही राशींवर अशुभ प्रभाव पडतो. अशा परिस्थितीत कोणत्याही प्रकारचा त्रास होऊ नये म्हणून काही उपायही सांगितले जातात. मात्र, या सर्वामध्ये सर्वात मोठा प्रश्न असाही निर्माण होतो की, ग्रहण संपल्यानंतर प्रथम कोणत्या पदार्थाचे सेवन करावे. आज आम्ही तुम्हाला याबाबत मार्गदर्शन करणार आहोत.

सूर्यग्रहणानंतर तीळ खाणे उत्तम

सूर्यग्रहणानंतर सर्वप्रथम कोणत्या पदार्थाचे सेवन करावे असा प्रश्न तुमच्याही मनात आला असेल तर, सूर्यग्रहण संपल्यानंतर सर्वात प्रथम स्नान करावे आणि त्यानंतर गहू, गूळ, तांबे इत्यादी लाल रंगाच्या वस्तूंचे दान करावे. यानंतर तिळापासून बनवलेले पदार्थ जसे की, तिळाचे लाडू, तिळाची चक्की इत्यादी भगवंताला अर्पण करून त्याचे सेवन करावे. सूर्यग्रहणानंतर तीळ खाणे सर्वात उपयुक्त मानले जाते.

सूर्यग्रहणाची वेळ

वर्षातील शेवटचे सूर्यग्रहण संध्याकाळी 04:28 पासून सुरू होईल आणि संध्याकाळी 05:30 वाजेपर्यंत असेल. स्थानानुसार ग्रहणाची सुरूवात आणि समाप्ती वेळेत थोडाफार बदल असू शकतो.

तुमच्या शहरात कधी दिसणार सूर्यग्रहण

• दिल्ली- संध्याकाळी 04:51 ते 05:42 पर्यंत

• कोलकाता -संध्याकाळी 04:51ते 05:04 पर्यंत

• मुंबई - 04:49 ते संध्याकाळी 06:09 पर्यंत

• चेन्नई - 05:13 ते 05:45 पर्यंत

• पाटणा - 04:42 ते 05:14 पर्यंत

• जयपूर - 04:31 ते 05:50 पर्यंत

• लखनौ - 04:36 ते 05.29 पर्यंत

• हैदराबाद - 04:58 ते 05:48 पर्यंत

• बंगळुरू - 05:12 ते 05:56 पर्यंत

• अहमदाबाद - 04:38 ते 06:06 पर्यंत

• पुणे - 04:51 ते 06:06 पर्यंत

• नागपूर - 04:49 ते 05:42 पर्यंत

• भोपाळ - 04:42 ते संध्याकाळी 05:47 पर्यंत

• चंदीगड - 04:23 ते संध्याकाळी 05:41 पर्यंत

• मथुरा - 04:31 ते संध्याकाळी 05:41 पर्यंत

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.