पुणे : ज्या ताटात आपण जेवतो त्यातच हात धुणे ही पद्धत स्टॅंडर्ड लोकांनी पाडली असल्याचे समजले जाते. हि पद्धत अनेकांना वेगळी वाटते. त्यामुळे जेवण झाल्यावर त्यातच हात धुणे वास्तू शास्त्राच्या नियमांविरूद्ध आहे.

शास्त्रात आयुष्यातील प्रत्येक घटनेवर आधारीत काही नियम बनवले गेले आहेत. जेवण तयार करण्यापासून ते जेवण खाण्यापर्यंत नियम सुद्धा वास्तुशास्त्रात आहेत. त्यानुसार जेवल्यानंतर केलेल्या एका चूकीमुळे माता लक्ष्मी नाराज होऊ शकते.तुम्हालाही ही वाईट सवय असेल तर ती लगेच सोडून द्या.

जेवनानंतरची ही सवय बदला

जेवण झाल्यावर ताटात हात धुण्याची अनेकांना सवय असते. असे करणे अत्यंत चुकीचे आहे. ताटात खरखटा हात धुतल्याने देवी अन्नपूर्णा आणि लक्ष्मी देवी नाराज होते. देवी अन्नपूर्णा यांचा कोप माणसाला गरीब बनवू शकते. तसेच,अन्नासाठी आपल्याला दारोदारी भटकायला लागू शकते. त्यामुळे ही सवय लगेच बदला.

देवी लक्ष्मीला प्रसन्न करण्यासाठी किचन आणि जेवण यांच्याबाबतचे काही नियम लक्षात ठेवा.रात्रीच्या वेळी किचन किंवा किचनमध्ये घाणेरडी भांडी ठेवू नका.कट्टा घाण ठेवू नका. स्वयंपाकघरात पिण्याच्या पाण्याच्या भांड्याजवळ दिवा लावावा. यामुळे लक्ष्मी देवी प्रसन्न होते.

नेहमी आंघोळ करून अन्न शिजवावे आणि पहिली चपाती गायीला खाऊ घालावी. तर, शेवटची चपाती कुत्र्याला द्यावी. दक्षिणेकडे तोंड करून कधीही जेवू नये. उत्तर किंवा पूर्वेकडे तोंड करून अन्न खाणे खूप शुभ आहे.अन्न कधीही वाया घालवू नका. ताटात खावे तेवढे घ्या. आणि शक्य होईल तेवढे गरिबांना अन्नदान करा.त्यामुळे त्यांचा आशिर्वादही कायम राहील.