तुम्हाला माहिती का की, हाताच्या रेषांवरून फक्त आपले करिअर आणि पैसा याविषयीच कळू शकतं अस नाही तर भविष्यात आपल्याला कोणते आजार होऊ शकतात हेही हाताच्या रेषांवरून कळू शकतं.तुुमच्या हाताच्या रेषांवर म्हणजे तळहातावर अशी काही चिन्हे आहेत, ज्या रेषा सांगू शकतात की येणाऱ्या काळात कोणते आजार तुम्हाला होऊ शकतात.

● पोटाचे आजार:

जर एखाद्या व्यक्तीच्या हातावर चंद्र पर्वतावर नक्षत्राची चिन्हे असतील तर असे समजले जाते की अशा लोकांना पोटाचे आजार होण्याची शक्यता असते. जर तुमच्या हातावर अशी चिन्हे असतील तर तुम्ही वेळीच काही उपाय करावे.

● हृदयाचे आजार:

जर तुमच्या हातावर हृदय रेषेवर बेट चिन्ह असेल आणि मेंदूच्या रेषेचा रंग हलका पिवळा असेल किंवा वय रेषेच्या जवळ मंगळावर काळा ठिपका असेल किंवा हृदय रेषेवर काळ्या रंगाचा तीळ असेल तर अशा लोकांना हृदयविकार होण्याची शक्यता असते.

● किडणीचे आजार:

जर एखाद्या व्यक्तीच्या हातावर मेंदूच्या रेषेवर मंगळाच्या जवळ पांढरे डाग पडले असतील किंवा दोन्ही हातांची हृदयरेषा तुटलेली असेल तर त्या व्यक्तीला किडनीचा आजार होण्याची शक्यता असते.

● फुफ्फुसाचे आजार:

जर एखाद्या व्यक्तीच्या हातातील शनी क्षेत्राच्या खाली मेंदूच्या रेषेवर साखळीसारखा आकार असेल तर अशा लोकांना फुफ्फुसाशी संबंधित आजार होण्याची शक्यता असते आणि त्यांना घशाचे आजारही होऊ शकतात.

● नखांचे आकार:

जर एखाद्याच्या हातात त्रिकोणाच्या आकाराचे नखे असतील आणि शनीच्या पर्वतावर अनेक रेषा असतील आणि नक्षत्राचे चिन्ह देखील हातावर असेल आणि चंद्राच्या पर्वतावर जाळे असेल तर असे लोक खूप कमजोर असतात आणि ते पक्षाघात होण्याची शक्यता असते.