गाझियाबाद - दिल्लीला लागून असलेल्या गाझियाबादच्या डासना कारागृहातील तब्बल १४० कैद्यांची एचआयव्ही चाचणी पॉझिटिव्ह आली आहे. या बातमीने खळबळ उडाली आहे. मात्रा तुरुंग प्रशासनाच्या दृष्टीने ही अत्यंत सामान्य बाब आहे.

या कारागृहात क्षमतेपेक्षा जास्त कैदी असल्याची कबुली डासना कारागृहाचे अधीक्षक आलोककुमार सिंह यांनी दिली आहे. एकूण १४० कैद्यांची एचआयव्ही चाचणी पॉझिटिव्ह आली आहे. मात्र, त्यात फार मोठी गोष्ट नाही, असे ते म्हणाले.

हेही वाचा Gautami Patil Lavani: गौतमीची लावणी कुठे चुकतेय?

अधीक्षक आलोक कुमार सिंह यांनी दिलेल्या माहितीनुसार, सुईद्वारे नशा करणाऱ्यांना एचआयव्हीची लागण होण्याचा धोका अधिक असतो. एचआयव्ही आजार जीवघेणा ठरू शकतो. तो वेगाने लोकांमध्ये पसरण्याचाही धोका आहे, परंतु कारागृह अधीक्षकांनुसार, १४० एचआयव्ही पॉझिटिव्ह रुग्ण आढळून येणे फार मोठी गोष्ट नाही.

दरम्यान पॉझिटिव्ह रुग्णांची काळजी घेऊन त्यांना इतर रुग्णांपासून वेगळे केले जाते, असा दावा कारागृह अधीक्षकांनी केला आहे.