जोधपूर (राजस्थान) : अंतर्गत सुरक्षा ड्यूटीवर दिल्लीच्या वॉल्ड सिटी भागात तैनात केलेल्या बीएसएफच्या तुकडीतील 30 जवानांना कोरोनाची लागण झाल्याची माहिती बीएसएफच्या अधिकाऱ्यांनी आज (बुधवार) दिली.
या जवानांमध्ये कोरोना सदृष्य लक्षणे दिसू लागल्याने त्यांना सोमवारी बीएसएफच्या साहाय्यक प्रशिक्षण केंद्रातील (एसटीसी) विलगीकरण कक्षात ठेवण्यात आले होते. या ठिकाणी मंगळवारी या जवानांची कोरोना चाचणी करण्यात आली होती आणि त्याचे नमुने एम्स रुग्णालयाकडे पाठवण्यात आले होते. त्याच अहवाल बुधवारी सकाळी आला ज्यामध्ये या जवानांना कोरोनाची लागण झाल्याचे समोर आले असल्याची माहिती अधिकाऱ्यांनी दिली. या सर्वांना उपचारासाठी एम्स रुग्णालयात दाखल करण्यात आले आहे.
दरम्यान, जवानांना कोरोनाची लागण झाल्याचे समजल्यानंतर त्यांच्या संपूर्ण तुकडीला जोधपूरला एअर लिफ्ट केले गेले असून याठिकणी असलेल्या बीएसएफच्या सहाय्यक प्रशिक्षण केंद्रातील (एसटीसी) विलगीकरण कक्षात त्यांना ठेवण्याची व्यवस्था करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.