उत्तर प्रदेशातील रामपूरमध्ये (Uttar Pradesh Rampur) राष्ट्रीय महामार्गावर (National Highway) शाहजहानपूर डेपोची बस आणि ट्रकमध्ये भीषण (Bus Truck Accident) अपघात झालाय. या अपघातात 5 जणांचा मृत्यू झाला, तर 46 जण जखमी झाले आहेत. जखमींना उपचारासाठी जिल्हा रुग्णालयात (District Hospital) दाखल करण्यात आलं असून मृतदेह शवविच्छेदनासाठी शवागारात ठेवण्यात आले आहेत.

दरम्यान, जखमींकडून मिळालेल्या माहितीच्या आधारे जिल्हा प्रशासनानं त्यांच्या कुटुंबीयांना माहिती देण्यासोबत हेल्पलाइन क्रमांक जारी केले आहेत. शहाजहानपूर आगाराची (Shahjahanpur Bus) बस रात्री शहाजहानपूरहून दिल्लीला जात होती. यावेळी राष्ट्रीय महामार्गावर ट्रकनं बसला जोरदार धडक दिली. हा अपघात होताच महामार्गावर तैनात 112 आणि सिव्हिल लाईन्स पोलिसांचा ताफा घटनास्थळी पोहोचला आणि त्यांनी जखमींना रुग्णवाहिकेव्दारे जिल्हा रुग्णालयात नेलं. यादरम्यान पाच जणांचा मृत्यू झालाय.

जिल्हा दंडाधिकारी रवींद्र कुमार मादंड यांनी अपघाताबाबत सरकारला माहिती देण्यासोबत हेल्पलाइन क्रमांक जारी केले आहेत. 9454416995 आणि 9897846204 या क्रमांकावर कॉल करून कोणतीही व्यक्ती या अपघातातील मृत व जखमींची माहिती मिळवू शकते.