हैद्राबाद : हैद्राबादमध्ये 84 वर्षीय वृद्धाला बँकेच्या कर्मचाऱ्यांचा बेजबाबदारपणा भोवला आहे. या वृद्धाला तब्बल 18 तास एका बँकेच्या लॉकरमध्ये कोंडून रहावं लागलं आहे. जेंव्हा पोलिसांकडून शोध घेण्यात आला तेंव्हा त्यांची सुटका झाली आहे. तब्बल 18 तासांनंतर त्यांची सुटका झाली असून लॉकर उघडल्यानंतर हे वृद्ध बेशुद्ध अवस्थेत जमिनीवर पडलेले आढळले. त्यानंतर घाई गडबडीने त्यांना हॉस्पिटलमध्ये भरती करण्यात आलं. (Hydrabad News)
ही घटना हैद्राबादमधील जुबली हिल्स परिसरामधील युनियन बँक ऑफ इंडियामध्ये घडली आहे. सायंकाळी साधारण चार वाजून 20 मिनिटांनी हे आजोबा काही कारणास्तव बँकेत गेले होते. त्यांनी त्याठिकाणी आपलं लॉकर उघडलं. यावेळी बँकेच्या स्टाफने त्यांना पाहिलंच नव्हतं आणि ते त्यानंतर कुलूप लावून निघून गेले. त्यामुळे हे आजोबा आतच अडकून पडले.
लॉकरमध्ये बेशुद्धावस्थेत पडले आजोबा
सायंकाळी उशीरापर्यंत जेंव्हा हे आजोबा घरी गेलेच नाहीत तेंव्हा त्यांच्या घरच्यांनी त्यांचा शोध सुरु केला. जेंव्हा त्यांचा शोधच लागला नाही तेंव्हा त्यांनी पोलिस ठाण्यात धाव घेतली. पोलिसांनी जुबली हिल्स चेकपोस्ट परिसरामध्ये सीसीटीव्ह चेक केला आणि त्यांना हे आजोबा बँकेत गेल्याचं कळालं. मंगळवारी सकाळी साडेदहा वाजता जेंव्हा लॉकर रुम उघडण्यात आली तेंव्हा हे आजोबा जमिनीवर बेशुद्धावस्थेत पडलेले आढळले. हे आजोबा मधुमेहाचे रुग्ण आहेत. नातेवाईकांनी दिलेल्या माहितीनुसार, आजोबा मधुमेही आहेत. त्यामुळे ते सापडताच त्यांना हॉस्पिटलमध्ये भरती करण्यात आलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.