ऐजॉल (मिझोराम) : संपूर्ण जग कोरोना विषाणूंचा सामना करत असून सर्वजण आपापल्यापरिने योगदान देत आहेत. यात आता एका ९५ वर्षीय आजींनी आपली एक महिन्याचे निवृत्तीवेतन मुख्यमंत्री सहाय्यता निधीसाठी दिले आहे. तसेच स्वतः शिवलेले ३० ‘मास्क’ गरजूंना देत कोरोना विषाणूंच्या विरोधातील लढ्यात योगदान दिले आहे.
नाघाक्लिआनी असे या आजींचे नाव असून त्या माजी आमदार लालरिंलियाना यांच्या पत्नी आहेत. देशभरात धुमाकूळ घालत असलेल्या कोरोनाविरोधात लढा देत असलेल्यांसाठी काहीतरी करण्याची त्यांची इच्छा होती, याबद्दल त्या सातत्याने आपल्याशी चर्चा करता होत्या अशी माहिती त्यांच्या सुनेनी पत्रकारांना दिली.
याविषयी माहिती देताना त्यांच्या सुनेने सांगितले की, नाघाक्लिआनी यांनी अखेरीस आपली एक महिन्यांचे निवृत्तीवेतन १४ हजार ५०० रुपये मुख्यमंत्री साहाय्यता निधीसाठी दान करण्याचा निर्णय घेतला. तसेच केवळ आपली पेन्शनच दान करून त्या थांबल्या नाहीत, तर त्यांनी स्वतः आपल्या हाताने ३० मास्क शिवले असून ते गरजूंना देण्यात आले.
दरम्यान, मिझोरामचे मुख्यमंत्री झोरामथांगा यांनी नाघाक्लिआनी यांच्या निर्णयाचे स्वागत करत त्यांचे आभार व्यक्त केले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.