आपल्या आजुबाजूला बऱ्याच चांगल्या वाईट गोष्टी घडत असतात. अशावेळी काहीजण मदत करतात तर काहीजण पाहून न पाहिल्यासारखे करतात. सध्या असाच एक व्हिडिओ सोशल मीडियावर (Social Media) व्हायरल होतोय. हा व्हिडिओ मध्यप्रदेशमधील भोपाळ (Bhopal) येथील आहे. या व्हिडिओमध्ये एका मुलीचा जीव वाचवण्यासाठी 37 वर्षीय मुस्लिम व्यक्तीने स्वत:च्या जीवाची पर्वा न करता रेल्वेसमोर उडी मारली आहे. त्यामुळेच हा व्हिडिओ (Video) प्रचंड व्हायरल होतोय.

स्नेहा गौर या मुलीला मदत करणाऱ्या व्यक्तीचे नाव मोहम्मद महबूब आहे. ही घटना पाच फेब्रुवारी रोजी रात्री आठ वाजता भोपाळमधील बारखेडी येथे घडली. मिळालेल्या माहितीनुसार, स्नेहा ही मुलगी हातात सामान घेऊन रेल्वे ट्रॅक ओलांडून जात होती. त्याच वेळी समोरुन मालगाडी आली, मालगाडी येत असल्याचे पाहताच ती खूप घाबरुन जाऊन त्याच रुळावर घसरुन पडते.

मिळालेल्या माहितीनुसार, मोहम्मद महबूब हे सुतार काम करतात, त्या घटनेवेळी ते नमाज अदा करुन निघाले होते. तिथे उपस्थित असलेल्या लोकांनी मदत मिळावी यासाठी हाक मारताना मोहम्मद यांनी कोणत्याही गोष्टींचा विचार न करता स्नेहाचा जीव वाचवण्यासाठी ट्रॅकवर उडी मारली. त्यावेळी तिचा जीव वाचवण्यासाठी तो व्यक्ती तिच्यादिशेने जाऊन त्या मुलीला रेल्वे त्यांच्यावरुन जात नाही तो पर्यंत डोक वर करु दिलेल नसल्याचे दिसत आहे.

सोशल मीडियावर हा व्हिडिओ प्रचंड व्हायरल झाला आहे, त्या मुलीला मदतीचा हात पुढे केल्यामुळे मोहम्मद यांचा सोशल मीडियावर कौतुकांचा वर्षाव होत आहे.