गोवा: गोवा विधानसभा निवडणूक (Goa Assembly Election 2022) प्रचारासाठी शिवसेना (Shiv Sena) नेते आणि पर्यटन मंत्री आदित्य ठाकरे (Aditya Thackeray)हे सध्या गोव्यात आहेत. सध्या गोव्यात आचारसंहिता लागू असल्याने सभांना बंदी आहे. उद्या गोव्याचे मतदान होणार आहे. याच पार्श्वभूमीवर आदित्य ठाकरे यांनी पर्यावरणावर बोलणे सुरु केले आहे. मतदानासाठी २४ तास शिल्लक आहेत. तिथली आचारसंहिता कडक झालीये आपण इथल्या पर्यावरणावर बोलूयात असे ठाकरे म्हणाले.

ठाकरे म्हणाले, गोव्यात पर्यावरण वातावरण निर्माण झाले पाहिजे. स्थानिक नागरिकांनी स्वच्छतेची मोहीम हाती घ्यावी असे आवाहन ठाकरे यांनी केले आहे. सध्या पर्यटनाच्या ठिकाणी सीसीटीव्ही बसवण्याच काम सुरू आहे. नदीपात्र स्वच्छ ठेवले पाहिजे. नदीत जाणारा गाळ काढण्याचे काम सुरु आहे. आतापर्यंत १० हजार टन गाळ काढला असल्याची माहिती यावेळी त्यांनी दिली.

अभयाराण्या संदर्भात बोलताना म्हणाले, तीन टप्प्यात अभयारण्याचे काम पूर्ण केले जाणार आहे. अभयारण्याच्या ठिकाणी पोलीस चौकी उभारली जाणार आहे. शिवसेनेच्या प्रचाराची सांगता होताच पर्यावरण मंत्री पर्यावरणावर बोलण्यास सुरुवात केली आहे.