नवी दिल्लीः केंद्रीय गृहमंत्री अमित शाह यांचं बनावट व्हिडीओचं प्रकरण सध्या देशात गाजत आहे. याच प्रकरणात दिल्ली पोलिसांनी तेलंगणाचे मुख्यमंत्री रेवंथ रेड्डी यांना नोटिस पाठवली आहे. त्यांच्यासह सात राज्यातील १६ नोत्यांना समन्स पाठवल्याची माहिती आहे. पोलिसांनी या प्रकरणात राजस्थान, झारखंड, नागालँड, उत्तर प्रदेश, हरियाणा आणि मध्य प्रदेशात तपास सुरु केला आहे. पोलिस या राज्यांमध्ये पोहोचले आहेत.
सूत्रांनी दिलेल्या माहितीनुसार उत्तर प्रदेशमध्ये समाजवादी पक्षाचे एक लोकसभा उमेदवार, राजस्थान आणि नागालँडमध्ये काँग्रेसच्या दोन नेत्यांनाही मोबाईल फोनसह पोलिसांसमोर हजर होण्यास सांगण्यात आलेलं आहे.
सोमवारी तेलंगणाचे मुख्यमंत्री रेवंथ रेड्डी यांच्यासह तेलंगणा प्रदेश काँग्रेस कमिटीचे सदस्य शिवकुमार अंबाला, अस्मा तस्लीम, सतीश मन्ने आणि नवीन पेटेम यांना १ मे रोजी पोलिसांसमोर हजर व्हावं लागणार आहे.
दरम्यान, दिल्ली पोलिसांनी रविवारी भाजप आणि गृह मंत्रालयाकडून तक्रार मिळाल्यानंतर या प्रकरणात एफआयआर दाखल केला आहे. त्यानंतर दिल्ली पोलिस स्पेशल सायबर विंगचे आयएफएसओ युनिटनेही एफआयआर दाखल केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.