Anna Hazare vs Arvind Kejriwal esakal
देश

Anna Hazare : जशी दारूची नशा असते, तशीच सत्तेचीही नशा असते; अण्णा हजारेंनी केजरीवालांना फटकारलं

अरविंद केजरीवालांचे राजकीय गुरू समजल्या जाणाऱ्या अण्णा हजारेंनी केजरीवालांना नुकतंच एक पत्र लिहिलंय.

सकाळ डिजिटल टीम

अरविंद केजरीवालांचे राजकीय गुरू समजल्या जाणाऱ्या अण्णा हजारेंनी केजरीवालांना नुकतंच एक पत्र लिहिलंय.

अरविंद केजरीवाल (Arvind Kejriwal) यांचे राजकीय गुरू समजल्या जाणाऱ्या अण्णा हजारेंनी (Anna Hazare) केजरीवालांना नुकतंच एक पत्र लिहिलंय. या पत्रात अण्णा हजारेंनी अरविंद केजरीवाल यांना दिल्लीतील दारूची दुकानं बंद करण्यास सांगितलंय.

अण्णा हजारे म्हणाले, अरविंद केजरीवाल यांनी 'स्वराज' या पुस्तकात खूप काही बोललं होतं. पण, त्याचा त्यांच्या आचरणावर कोणताही परिणाम दिसत नाहीय. अण्णांनी पत्रात अरविंद केजरीवालांना उद्देशून लिहिलंय, 'तुम्ही मुख्यमंत्री झाल्यानंतर मी तुम्हाला पहिल्यांदाच पत्र लिहित आहे. गेल्या अनेक दिवसांपासून दिल्ली सरकारच्या दारू धोरणाबाबत (Liquor Policy) येत असलेल्या बातम्या वाचून खूप वाईट वाटलं.'

अण्णा पुढं म्हणाले, महात्मा गांधींच्या 'गावाकडे चला' या विचारानं प्रेरित होऊन मी माझं आयुष्य गाव, समाज आणि देशासाठी समर्पित केलं आहे. गेली 47 वर्षे मी गाव विकासासाठी काम करत असून भ्रष्टाचाराविरोधात आंदोलन करत आहे. अरविंद केजरीवाल यांना जुन्या दिवसांची आठवण करून देत अण्णा म्हणाले, तुम्ही आमच्या राळेगणसिद्धी या गावी आला आहात. इथं तुम्ही दारु, बिडी, सिगारेट इत्यादीवरील बंदीचं कौतुक केलं. राजकारणात येण्यापूर्वी तुम्ही 'स्वराज' नावाचं पुस्तक लिहिलं होतं. या पुस्तकात तुम्ही ग्रामसभा, दारू धोरणाबाबत मोठमोठ्या गोष्टी लिहिल्या होत्या. तेव्हा तुमच्याकडून खूप आशा होत्या; पण राजकारणात गेल्यावर आणि मुख्यमंत्री झाल्यानंतर तुम्ही आदर्श विचारसरणीला विसरलात, असं त्यांनी नमूद केलं.

तुमच्या (केजरीवाल) सरकारनं दिल्लीत नवीन मद्य धोरण तयार केलंय, जे दारू विक्री आणि सेवनास प्रोत्साहन देत आहे. या तुमच्या धोरणामुळं भ्रष्टाचारालाही प्रोत्साहन मिळेल आणि हे जनतेच्या हिताचं नाहीय. जशी दारूची नशा असते, तशीच सत्तेची नशा असते, असा टोला अण्णांनी केजरीवालांना लगावलाय. अण्णांनी पत्रात आपल्या आंदोलनाचा उल्लेख करत तुमचा मार्ग चुकला असल्याचंही म्हटलंय.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

देशभरात धार्मिक वाद निर्माण होण्याची शक्यता टळली? CJI सूर्यकांत यांनी न्यायमूर्ती अमानुल्लाह यांच्याकडून दोन प्रकरणे का घेतली परत?

ब्रिटीश राजवटीत मिळायची काळ्या पाण्याची शिक्षा, आता मोदी सरकारने 'त्या' तुरुंगाचे नियम बदलले

Solapur DCC Bank Election : सोलापूर जिल्हा बँकेसाठी जयकुमार गोरेंना क्रॉस व्होटिंगची भिती?, दोन्ही गटाकडून आरोप-प्रत्यारोपांच्या फैरी

Gold Rate Today: लग्नासाठी सोनं घेण्याचं स्वप्न होणार पूर्ण? 50 हजारांनी स्वस्त झालं सोनं! सलग 10 दिवस घसरण; आजचा भाव किती?

IND vs NZ, 1st Test: हा काय मुर्खपणा.... शतकवीर निकोल्सलची विकेट मिळाली होती, रिषभ पंत- पडिक्कलमध्ये गोंधळ अन् सुटला सोपा झेल

SCROLL FOR NEXT