नवी दिल्ली : रोश इंडियाच्या (Roche India) अँटिबॉडी कॉकटेलला (Antibody cocktail) कोविड रुग्णांवर आपात्कालिन वापरासाठी भारतात परवानगी देण्यात आली आहे. डीसीजीआयनं (DCGI) अमेरिकेत कॉकटेलच्या वापरासाठी दिलेला डेटा आणि युरोपीयन संघातील मानवाच्या वापरासाठी औषधांच्या परवानगी समितीच्या मतांवर आधारित ही परवानगी दिली आहे. उल्लेखनीय गोष्ट ही आहे की, रोश ही कंपनी जागातील सर्वात मोठी बायोलॉजिक्स उत्पादक कंपन्यांपैकी एक आहे.

याबाबत रोश इंडियाने एका निवदेनात म्हटलं, "आपात्कलीन वापरासाठी ही परवानगी मिळाल्यानंतर जागतीक स्तरावर उत्पादित केलं जाणारं हे उत्पादन भारतातही आयात करता येईल. हे औषध सिप्ला लिमिटेडसोबत भागीदारीत भारतात वितरित केलं जाईल. याचा वापर कोरोनाच्या सौम्य आणि मध्यम गंभीर रुग्णांवरील इलाजासाठी केला जाईल. ज्यांना कोरोनाची लागण झाली आहे आणि ते गंभीर आजारी पडण्याची शक्यता आहे अशा ज्येष्ठांना आणि लहान मुलांना हे औषध दिलं जाणार आहे. (१२ वर्षांवरील मुलांना ज्यांचं वजन ४० किलोपेक्षा कमी आहे)

रोश इंडियानं निवेदनात म्हटलं की, "रोशची अँटिबॉडी कॉकटेल हे औषध अधिक धोका असलेल्या रुग्णांसाठी मदतशीर ठरणार आहे. अशांची प्रकृती अधिक गंभीर होण्यापूर्वीच त्यांना हे औषध देण्यात येणार आहे." रोश फार्मा इंडियाचे व्यवस्थापकीय संचालक व्ही. सिंपसन इमॅन्युएल म्हणाले, "भारतात कोविड-१९ संक्रमणाच्या वाढत्या प्रकरणांदरम्यान रोश असं प्रत्येक काम करण्यासाठी प्रतिबद्ध आहे ज्यामुळे रुग्णालयातील भरती कमी केली जाईल. तसेच सध्याच्या काळात देशाच्या आरोग्य व्यवस्थेवर पडणारा ताण आणि दबाव कमी केलं जाईल. हे कॉकटेल मोठी रुग्णालये आणि कोविड उपचार केंद्रांच्या माध्यमातूनच उपलब्ध करुन दिले जाणार आहे."