नवी दिल्ली - लष्करप्रमुख जनरल मनोज नरवणे यांनी बुधवारी पूर्व लडाखमधील उंचीवरील प्रदेशाला भेट देऊन भारताच्या एकूण लष्करी सज्जतेचा आढावा घेतला. गेल्या काही महिन्यांपासून चीनबरोबरच्या तणावाच्या पार्श्वभूमीवर त्यांनी हा दौरा केला. लष्करप्रमुखांनी रेचिन ला सह इतर उंचीवरील ठिकाणांना भेट दिली. त्यांनी प्रत्यक्ष नियंत्रण रेषेवरील (एलएसी) चौक्यांना भेट दिली. त्याचप्रमाणे, एलएसीवरील परिस्थितीचीही पाहणी केली.
पूर्व लडाखमध्ये दुर्गम पर्वतमय प्रदेशात भारतीय लष्कराचे ५० हजार जवान तैनात आहेत. चीननेही तितकेच जवान तैनात केले आहेत. बुधवारी सकाळी साडेआठलाच लष्करप्रमुखांचे लेहच्या एक दिवसीय दौऱ्यासाठी आगमन झाले. लेहमधील तुकडीचे कमांडर लेफ्टनंट जनरल पीजीके मेनन यांनी पूर्व लडाख परिसरातील परिस्थितीची माहिती लष्करप्रमुखांना दिली. नरवणे यांनी या परिसरातील जवानांशीही संवाद साधला. त्याच उत्साहाने काम सुरू ठेवण्याचे सांगत जवानांना प्रोत्साहित केले. त्यांनी नाताळनिमित्त मिठाई व केकही दिला. लष्कराने ट्विटवरून लष्करप्रमुखांच्या दौऱ्याबद्दल माहिती दिली.
- पुण्याच्या बातम्या वाचण्यासाठी येथे ► क्लिक करा
चीनबरोबरील वाद आणि हिवाळ्यातील तयारीचा आढावा या पार्श्वभूमीवर लष्करप्रमुखांचा हा दौरा होता.
तारा तळालाही भेट
लष्करप्रमुखांनी तारा या तळालाही भेट दिली. यावेळी त्यांनी तुकडीच्या कमांडरशी संवाद साधला. त्यांची सज्जता व उच्च नीतीधैर्याचेही नरवणे यांनी कौतुक केले. लष्करप्रमुखांनी लडाखमधील रेचिन ला सह इतर ठिकाणांची पाहणी केली. एलएसीजवळ लष्करासाठी केलेल्या सुविधांबद्दल समाधान व्यक्त केले, असे ट्विट भारतीय लष्कराने केले.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.