बंगळूर : न्यायप्रक्रियेत काही वेळा होणारा अनावश्‍यक विलंब टाळण्यासाठी कृत्रिम बुद्धिमत्ता (एआय) तंत्रज्ञानाचा वापर होण्याची शक्‍यता सरन्यायाधीश शरद बोबडे यांनी बोलून दाखविली.
न्यायिक अधिकाऱ्यांच्या द्विवार्षिक परिषदेच्या उद्‌घाटनासाठी सरन्यायाधीश बोबडे येथे आले होते. या वेळी ते म्हणाले, की न्यायदानामध्ये अनावश्‍यक विलंब टाळणे आवश्‍यक आहे. त्यासाठी आपण आपल्याकडे उपलब्ध असलेल्या बुद्धिमान लोकांचा प्रभावीपणे वापर करून घेतला पाहिजे.
न्यायाला विलंब झाला याचा अर्थ कोणी कायदा हातात घ्यावा, असा होत नाही. केवळ हा विलंब टाळला जावा, यासाठी न्यायप्रक्रियेला अनुरूप 'एआय' तंत्रज्ञान विकास केला जाण्याची शक्‍यता आहे. अर्थात, हे तंत्रज्ञान न्यायाधीशांची जागा कधीही घेऊ शकत नाही.
'केवळ न्यायप्रक्रियेतील गणिती भाग आणि समान प्रक्रिया करताना होणारा विलंब टाळण्यासाठी एआय तंत्रज्ञानाचा वापर शक्‍य आहे. हे तंत्रज्ञान न्यायाधीशाची जागा घेऊ शकणार नाही. मानवी सद्‌सद्विवेकबुद्धीला पर्याय नाही.
- सरन्यायाधीश शरद बोबडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.