Manish Sisodia Sakal
देश

अरविंद केजरीवाल यांच्या दिल्ली सरकारला क्लिन चिट

दिल्ली परिवहन महामंडळातील एक हजार बस खरेदी कथित गैरव्यवहारप्रकरणी नायब राज्यपाल अनिल बैजल यांनी अरविंद केजरीवाल यांच्या नेतृत्वाखालील आम आदमी पक्षाच्या सरकारला क्लिन चीट दिली.

सकाळ न्यूज नेटवर्क / वृत्तसंस्था

नवी दिल्ली - दिल्ली परिवहन महामंडळातील एक हजार बस खरेदी कथित गैरव्यवहारप्रकरणी नायब राज्यपाल अनिल बैजल (Anil Baijal) यांनी अरविंद केजरीवाल (Arvind Kejriwal) यांच्या नेतृत्वाखालील आम आदमी पक्षाच्या (AAP Party) सरकारला क्लिन चीट (Clean Chit) दिली आहे. या प्रकरणी भाजपने आरोप केल्यानंतर चौकशी समिती नेमण्यात आली होती. (Arvidn Kejriwal Delhi Government Clean Chit)

भारतीय जनता पक्षाचे आमदार विजेंद्र गुप्ता यांनी एक हजार बस खरेदी आणि देखभाल कंत्राट यात केजरीवाल सरकारने गैरव्यवहार केल्याचा आरोप केला होता. त्यानंतर बैजल यांनी तीन सदस्यीय समिती स्थापन करून या प्रकरणाची चौकशी करण्याचा आदेश दिला होता. त्यात गैरव्यवहार झाला नसल्याचा अहवाल समितीने दिल्यानंतर बैजल यांनी दिल्ली सरकारला क्लिन चिट दिली.

गुप्ता यांनी केजरीवाल सरकारने साडेतीन हजार कोटी रुपये वाया घालविल्याचा आरोप केला आहे. या प्रकरणात आर्थिक अनियमितता आढळली नाही, तर नायब राज्यपालांनी नव्याने निविदा प्रक्रिया करण्याचा आदेश का दिला आहे, असा सवाल त्यांनी उपस्थित केला असून, या प्रकरणाची केंद्रीय अन्वेषण विभागामार्फत चौकशी करण्याची मागणी केली आहे. सुरवातीपासून हे प्रकरण भ्रष्टाचार प्रतिबंधक विभागाकडे देण्याची मागणी होती, असेही त्यांनी म्हटले आहे. केजरीवाल सरकारला नायब राज्यपालांनी क्लिन चीट दिल्यानंतर आम आदमी पक्षाने समाधान व्यक्त केले. भाजपच्या खोट्या आरोपाचा पर्दाफाश झाला असून, ही क्लिन चीट म्हणजे केजरीवाल सरकारच्या प्रामाणिकपणाचा पुरावा आहे, असे प्रतिपादन उपमुख्यमंत्री मनीष सिसोदिया यांनी पत्रकार परिषदेत केले आहे.

बस खरेदी प्रकरणी चौकशी समिती स्थापन झाली. या समितीने तीन हजार पानांचे दस्तावेज तपासले. परंतु त्यांना कुठेही अनियमितता सापडली नाही. केजरीवाल सरकार प्रामाणिक असून, भाजपचे नेते सरकारची प्रतिमा मलिन करण्याचा वारंवार प्रयत्न करीत आहेत. परंतु आरोप करून त्यांना त्यात यश आले नाही. लोकांसाठी दिल्ली सरकार दिवसरात्र काम करीत आहेत. यातून शिकण्यापेक्षा भाजप खोटे आणि तिरस्कार पसरविण्याचा प्रयत्न करत आहे.

- मनीष सिसोदिया, उपमुख्यमंत्री, दिल्ली

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

पंढरपूर तालुक्यात खळबळ! 'दहा लाखांची खंडणी घेताना कामगार नेता रंगेहाथ जाळ्‍यात'; बदनामी थांबविण्यासाठी पैशाची मागणी

India US Trade: करार अंतिम करण्यासाठी प्रयत्न; भारत-अमेरिका व्यापार कराराबाबत सचिव राजेश अग्रवाल यांची माहिती

PMPML Bus : ‘पीएमपी’ उत्पन्नात दरवाढीनंतर वाढ; उत्पन्न अडीच कोटींच्या उंबरठ्यावर

बीडमध्ये चाललंय काय? जमिनीच्या वादातून माजी सरपंचाची दहशत; रक्तबंबाळ होईपर्यंत तरुणाला बेदम मारहाण, पोलिसांवर राजकीय दबाव?

Latest Marathi News Updates : उपमुख्यमंत्री अजित पवार आणि परिवहन मंत्री प्रताप सरनाईक यांची राज्य परिवहनच्या मुद्द्यावर सखोल चर्चा झाली

SCROLL FOR NEXT