नवी दिल्ली : माजी पंतप्रधान अटल बिहारी वाजपेयी यांचा आज दुसरा स्मृतीदिन. राष्ट्रपती रामनाथ कोविंद आणि पंतप्रधान नरेंद्र मोदी यांनी अटल बिहारी मेमोरियल येथे जात माजी पंतप्रधान वाजपेयी यांना श्रद्धांजली वाहिली. तत्पूर्वी मोदींनी ट्विटच्या माध्यमातून अटल बिहारी वाजपेयी यांच्या आठवणीला उजाळा दिला. देशाच्या विकासामध्ये आपले योगदान अविस्मरणीय आहे, असे मोदींनी म्हटले आहे. यासोबत मोदींनी 1.48 मिनिटांचा एक व्हिडिओही शेअर केलाय. मोदींशिवाय केंद्रीय गृहमंत्री अमित शाह, केंद्रीय मंत्री हरदीप सिंह पुरी यांच्यासह अन्य नेत्यांनीही अटलजींना श्रद्धांजली वाहिली आहे.
मोदींनी शेअर केलेल्या पोस्टमधील व्हिडिओची सुरुवात हार नहीं मानूंगा, रार नहीं ठानूंगा.. या वाजपेयी यांची प्रसिद्ध कवितेच्या ओळींनी होते. अटल बिहारी वाजपेयी यांचे योगदान देश कधीच विसरणार नाही, असे मोदींनी म्हटले आहे. एक नेता, खासदार, मंत्री आणि पंतप्रधान या प्रवासात त्यांनी एक आदर्श घालून ठेवला आहे, असा उल्लेखही मोदींनी आपल्या ट्विटमध्ये केलाय.
16 ऑगस्ट 2018 रोजी भारतरत्न आणि देशाचे माजी पंतप्रधान अटल बिहारी वाजपेयी यांची प्राणज्योत मालवली होती. त्यांच्या निधनाच्या वृत्तानंतर संपूर्ण देश हळहळला होता. अटल बिहारी वाजपेयी अशा नेत्यांच्या यादीतील एक नाव आहे जे एका पक्षापुरते मर्यादीत न राहता इतर पक्षांमध्ये त्यांच्याप्रती आदराची भावना होती. जम्मू काश्मिरमध्येही त्यांची लोकप्रियता पाहायला मिळाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.