नवी दिल्ली - सार्वजनिक क्षेत्रातील बॅंकांचे कर्मचारी 8 जानेवारीला संपावर जाणार आहेत. देशपातळीवर हा संप पुकारण्यात आला आहे. त्यामुळे देशभरातील बॅंकिंग व्यवहारांवर 8 जानेवारीला परिणाम होण्याची शक्यता आहे.
मोदी सरकारच्या अलीकडच्या काळातील बॅंकिंग क्षेत्रातील सुधारणा आणि कामगारांसंदर्भातील धोरणे यांच्याविरोधात बॅंक कर्मचारी अखिल भारतीय पातळीवर संपावर जाणार आहेत. संप पुकारणाऱ्या संघटनांचे सदस्य असलेल्या कर्मचाऱ्यांचे प्रमाण कमी असल्यामुळे स्टेट बॅंक ऑफ इंडियाने या संपाचा आपल्या कामकाजावर फारसा परिणाम होणार नसल्याचे म्हटले आहे. बॅंक ऑफ बडोदाच्या कामकाजावर मात्र या संपाचा परिणाम होऊ शकतो.
बॅंक ऑफ बडोदा आणि कॅनरा बॅंक यांनी संपामुळे कामकाजावर परिणाम न होता बॅंकेचे कामकाज सुरळीत सुरू राहील, याची काळजी घेण्यात येईल, असे म्हटले आहे. इंडियन बॅंक्स असोसिएशनने (आयबीए) बॅंकांना संपाची माहिती दिली आहे. या संपात इंडिया बॅंक एम्प्लॉईज असोसिएशन, ऑल इंडिया बॅंक ऑफिसर्स असोसिएशन, बॅंक एम्प्लॉईज फेडरेशन ऑफ इंडिया, इंडियन नॅशनल बॅंक एम्प्लॉईज फेडरेशन, इंडियन नॅशनल बॅंक ऑफिसर्स कॉंग्रेस आणि बॅंक कर्मचारी सेना महासंघ यांनी हा संप पुकारला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.