नवी दिल्ली - भारत आणि चीन यांच्यात वाद सुरू असल्याने भारतीय नागरिक चिनी वस्तूंवर बहिष्कार घालण्याच्या तयारीत आहेत. यादरम्यान भारतीय गुप्तचर संस्थेने भारत सरकारला चीनचे ५२ मोबाईल ॲप्स ब्लॉक करण्याचे आणि त्याचा वापर न करण्याचा सल्ला दिला आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

गुप्तचर संस्थेच्या मते, चीनचे हे ५२ ॲप्स सुरक्षित नसून, ॲप्स वापरणाऱ्याचा डेटा भारताबाहेर संग्रहित केला जात आहे. राष्ट्रीय सुरक्षिततेच्या दृष्टीनेदेखील हे ॲप्स धोकादायक आहेत. एका वरिष्ठ अधिकाऱ्याने म्हटले की, सध्याच्या काळात गुप्तचर संस्थेने केलेल्या शिफारशींवर राष्ट्रीय सुरक्षा परिषद सकारात्मक विचार करत आहे. यावर आतापर्यंत निर्णय घेतला नसला तरी, राष्ट्रीय सुरक्षेबाबत कोणतीही तडजोड केली जाणार नाही, असे नमूद केले. चीनची ही ॲप्स देशाच्या सुरक्षेच्या दृष्टीने धोकादायक असल्याचे गुप्तचर संस्थेने दिलेल्या पत्रात म्हटले आहे.

डॉ. मनमोहन सिंगाचा सल्ला पंतप्रधानांनी विनम्रतेना मानावा : राहुल गांधी

चीनचे वादग्रस्त ॲप्स

• टिकटॉक, वॉल्ट हाइड, विगो व्हिडिओ, बिगो लाइव्ह वेबिबो
• वुई चॅट, शेअरइट, यूसी न्यूज, यूसी ब्राऊजर
• ब्यूटी प्लस, झेंडर, क्लब फॅक्टरी, हॅलो, लाइक
• कवाई, रोमवुई, शिन, न्यूजडॉग, फोटो वंडर
• अप्यूस ब्राऊजर, विवा व्हिडिओ, क्यूयू व्हिडिओ इंक
• परफेक्ट कॉर्प्स, सीएम ब्राऊजर, व्हायरस क्लिनर
• एमआय कम्युनिटी, डीयू रेकॉर्डर, युकॅम मेकअप