पटना : देशात कोरोनाचा प्रादुर्भाव मोठ्या प्रमाणात वाढत असताना कोरोनाच्या कचाट्यातून लहान मोठी, गरीब श्रीमंत अशी कुठलीच व्यक्ती सुटु शकलेली नाही. अशात एक धक्कादायक गोष्ट समोर आली असून भारतीय जनता पक्षाच्या एका विधानपरिषद आमदाराचा कोरोनामुळे मृत्यू झाला आहे. कोरोनाशी झुंजत असलेले बिहारमधील भाजप आमदार सुनिल कुमार सिंह यांचे मंगळवारी संध्याकाळी निधन झाले. ते ६६ वर्षांचे होते. त्यांच्या पश्चात पत्नी आणि दोन मुलगे व एक मुली असा परिवार आहे.

ताज्या बातम्यासाठी डाऊनलोड करा ई-सकाळचे अॅप

पुण्याच्या बातम्या वाचण्यासाठी येथे क्लिक करा

कोरोनामुळे बिहारमध्ये कुठल्या मोठ्या नेत्याचा मृत्यू होण्याची ही पहिलीच घटना आहे. त्यांच्या निधनाबद्दल बिहारचे मुख्यमंत्री नितीश कुमार आणि उपमुख्यमंत्री सुशीलकुमार मोदी यांनी दु:ख व्यक्त केले आहे. ६६ वर्षीय सुनील कुमार सिंह यांच्यावर पाटणा येथील एम्स रुग्णालयात उपचार सुरू होते. त्यांना शुगर आमि हायपरटेंशनचा त्रास होता. अखेरच्या काळात त्यांना व्हेंटिलेटरवर ठेवण्यात आले होते. 

सुनिल कुमार सिंह हे बिहार विधान परिषदेमध्ये दरभंगामधील स्थानिक मतदारसंघाचे प्रतिनिधित्व करत होते. दरम्यान, कोरोनाचा संसर्ग झाल्यानंतर त्यांना १३ जुलै रोजी रुग्णालयात दाखल करण्यात आले होते. तेव्हापासून त्यांच्यावर उपचार सुरू होते. गेल्या काही दिवसांत बिहारमध्ये कोरोनाचा फैलाव वेगाने वाढत असतानाच राज्यातील अनेक मोठ्या नेत्यांनाही कोरोनाचा संसर्ग झाला आहे.

बिहारमध्ये आतापर्यंत मंत्री विनोद कुमार सिंह, भाजप आमदार जिबेश कुमार मिश्रा, काँग्रेस आमदार आनंद शंकर सिंह, राजद आमदार शाहनवाझ आलम आणि जेडीयू आमदार खालिद अन्वर यांचे कोरोना रिपोर्ट पॉझिटिव्ह आले आहेत.