बंगळूर : कथित बिटकॉईन गैरव्यवहारावरून काँग्रेस राजकारण करीत असल्याची टीका कर्नाटकचे मुख्यमंत्री बसवराज बोम्मई यांनी केली आहे. याप्रकरणी पुरावे असल्यास विरोधी पक्षांनी ते चौकशी संस्थांना द्यावेत, असे आव्हानही त्यांनी दिले. बिटकॉईन प्रकरणावरून छेडले असता, हा प्रश्न तुम्ही काँग्रेसला विचारा, असे त्यांनी स्पष्ट केले. ते पुढे म्हणाले की पुरावे असतील तर ते सक्तवसुली संचालनालय किंवा पोलिसांना द्यावेत, त्याची गांभीर्याने दखल घेतली जाईल ,असे मी म्हणालो आहे. यात काही तथ्य असल्यास चौकशी केली जाईल.
बंगळूरमधील एका हॅकरकडून केंद्रीय गुन्हे नऊ कोटी रुपये मूल्य असलेली बिटकॉईन जप्त केली. श्रीकृष्ण ऊर्फ श्रीकी असे त्याचे नाव आहे. सरकारी संकेतस्थळे हॅक करणे, इंटरनेटच्या माध्यमातून काळा बाजार करून अंमली पदार्थांचा व्यवहार करणे आणि त्यासाठी क्रिप्टोकरन्सीच्या माध्यमातून रक्कम देणे असेही आरोप त्याच्यावर आहेत.
सत्ताधारी नेते, कुटुंबीयांवर आरोप
या प्रकरणात सत्ताधारी भाजपचे वरिष्ठ नेते, त्यांचे कुटुंबीय आणि वरिष्ठ अधिकारी सामील असल्याचा काँग्रेसचा आरोप आहे. सरकार हे प्रकरण दाबत असल्याचाही दावा केला जात आहे. दुसरीकडे काँग्रेस नेतेही यात सामील असल्याचे प्रत्यूत्तर भाजपने दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.