कोलकाता : देशाला स्वातंत्र्य मिळवून देण्यासाठी अनेक क्रांतिकारकांनी आपले सर्वस्व अर्पण केले. त्यांचा यथोचित सन्मान व्हावा, यासाठी त्यांच्या मृत्यूपश्चात अनेकांनी विविध मागण्या केल्या. आताही अशाच एका देशभक्ताचा सन्मान आणि आदर वाढविण्यासाठी मागणी केली जात आहे.
नेताजी सुभाष चंद्र बोस यांचा जन्मदिन हा 'देशप्रेम दिन' म्हणून साजरा केला जावा, अशी मागणी नेताजींचे नातू आणि भारतीय जनता पक्षाचे नेते चंद्रकुमार बोस यांनी केंद्र सरकारकडे केली आहे.
23 जानेवारीला नेताजींची जयंती असल्याने त्यापार्श्वभूमीवर चंद्रकुमार यांनी ही मागणी केली असून नेताजी प्रेमींनीही या मागणीला पाठिंबा दर्शविला आहे.
'एएनआय' या वृत्तसंस्थेशी बोलताना बोस म्हणाले की, 'गेल्या अनेक वर्षांपासून ही मागणी करण्यात येत आहे. मात्र, याकडे सरकार दुर्लक्ष केले जात आहे. मात्र, यावर्षीपासून नेताजींचा जन्मदिन देशप्रेम दिन म्हणून साजरा करण्यात यावा, अशी मागणी केंद्र सरकारकडे केली आहे.'
यावर्षी राष्ट्रपिता महात्मा गांधी यांची 150 जयंती देशभरात साजरी केली जात आहे. तसेच लोहपुरुष सरदार वल्लभभाई पटेल यांची जयंती 'राष्ट्रीय एकता दिन' म्हणून साजरी केली जाते. त्यामुळे केंद्र सरकारने देशभरात नेताजींची जयंती देशप्रेम दिन म्हणून साजरी करावी, अशी मागणी बोस यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.