बंदूक साफ करताना सुटली गोळी: भाजप नेत्याचा मृत्यू
ग्वालियर (मध्य प्रदेश): भारतीय जनता पक्षाचा एक नेता बंदूक साफ करत होते. पण, अचानक गोळी सुटल्याने ती छातीत घुसली. उपचारादरम्यान त्यांचा मृत्यू झाल्याने परिसरात खळबळ उडाली आहे. सुरेंद्र मिश्रा असे त्यांचे नाव आहे.
प्रसारमाध्यमांनी दिलेल्या वृत्तानुसार, सुरेंद्र मिश्रा यांना एका विवाहासाठी जायचे होते. विवाहाला जाण्यापूर्वी ते रायफल साफ करत होते. पण, साफ करताना अचानक गोळी सुटली आणि छातीत घुसली. गोळीबाराचा आवाज झाल्यामुळे त्यांच्या कुटुंबियांनी त्यांच्याकडे धाव घेतली. छातीत गोळी घुसल्याचे पाहून त्यांना तत्काळ उपचारासाठी रुग्णालयात दाखल करण्यात आले. पण, उपचारादरम्यान त्यांचा मृत्यू झाला. याबाबत गुन्हा दाखल झाला असून, पोलिस पुढील तपास करत आहेत.
कुटुंबियांनी सांगितले की, सुरेंद्र हे घराच्या पहिल्या मजल्यावर परवाना असलेली रायफल साफ करत होते. पण, त्यांना रायफल लोड असल्याची कल्पना नव्हती. गोळीबाराचा आवाज आल्यानंतर मुलगा आणि पत्नी पहिल्या मजल्यावर पोहचले. यावेळी ते जखमी अवस्थेत होते. तीन तासांच्या उपचारानंतर त्यांचा मृत्यू झाला. दरम्यान, महाराजपुरा पोलिसांनी 12 बोअरवेलची रायफल ताब्यात घेतली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.