उत्तर प्रदेशातील मुजफ्फरनगरमध्ये लग्नाच्या वरातीचा एक थरारक व्हिडिओ सोशल मीडियात व्हायरल झाला आहे. हायवेवरुन जाणाऱ्या या वरातीत अचानक एक भरधाव कार घुसली आणि तीनं अनेक वऱ्हाडींना चिरडलं. या दुर्घटनेत एकाचा मृत्यू झाला असून 12 जण जखमी झाले आहेत.

विशेष नवरी आपल्या कारच्या सनरुफ बाहेर येऊन डान्स करत होती. याचवेळी तिच्या बाजूला हा थरार घडला सुदैवानं ती यातून थोडक्यात बचावली. ज्यावेळी नवरी डान्स करत होती तेव्हा लोक तिच्या कारजवळ उभे होते. यावेळी हायवेवरुन एकामागून एक वाहनं भरधाव वेगाने पुढे गेली त्यानंतर आलेल्या एका भरधाव कारनं रस्त्याच्या कडेला असलेल्या वरातीतील लोकांना उडवलं. ही कार इतक्या वेगातं होती की, ज्या लोकांना या कारनं उडवलं. ते लोक हवेत उंच उडाले, तिथे सुरु असलेल्या कॅमेरॅत ही संपूर्ण घटना कैद झाली. या घटना व्हिडिओ नंतर सोशल मीडियावर व्हायरल झाला.

पतंजलीच्या ‘कोरोनील’नं एक कोटी लोक झाले बरे, रामदेवबाबा यांचा दावा

या घटनेनंतर भरधाव कार चालवणारा आरोपी चालक आपल्या कारमधून बाहेर पडत पळून गेला. या घटनेची खबर कळताच पोलीस घटनास्थळी दाखल झाले त्यानंतर जखमींना जवळच्या रुग्णालयात उपचारांसाठी दाखल करण्यात आलं.