नवी दिल्ली: म्हशीला गाडीला जुंपून त्यावर काही युवक बसले होते. रस्त्यावरून जोरात पळण्यासाठी म्हशीला मारहाण केली जात होती. पण, गाडी रस्त्यावरील डिव्हायडरवर जाऊन आदळते आणि युवक रस्त्यावर फेकले जातात. संबंधित व्हिडिओ सोशल मीडियावर व्हायरल झाला आहे.
आयएफएस अधिकारी प्रवीण कासवान यांनी हा व्हिडिओ ट्विटरवरून शेअर केला आहे. व्हिडिओला शीर्षक देताना त्यांनी म्हटले आहे की, 'या म्हशीला ग्लोबल सपोर्ट मिळतो आहे. असे वाटतेय एखादा चित्रपटही येईल 'बदला भैस का'.
व्हायरल झालेल्या व्हिडिओमध्ये युवक गाडीवर बसले आहेत. या गाडीसमोर आणखी एक गाडी आहे. यावरील लोक म्हशींना मारत आहेत आणि त्यांच्या क्षमतेपेक्षा वेगाने पळवण्याचा प्रयत्न करत आहेत. वेगाने पळण्यासाठी त्यांना मारहाणही करत आहेत. पण, वेगाने धावणारी एक गाडी रस्त्याच्या डिव्हायडरवर जाऊन आदळते. त्या गाडीवर बसलेले सगळे लोक फेकले जातात आणि म्हैस गाडी सोडून पुढे धावत जाते. संबंधित व्हिडिओ जुना आहे. पण सध्या सोशल मीडियावर पुन्हा व्हायरल झाला असून, नेटिझन्स प्रतिक्रियांच्या माध्यमातून व्यक्त होत आहेत. दरम्यान, गाडीवरील दोघांची ओळख पटली असून ते मध्यप्रदेशातील उज्जैनमधील आहेत. त्यांच्यावर गुन्हा दाखल करण्यात आला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.