दुर्ग-भिलाई येथील सुभाषनगर येथील रहिवासी असलेल्या नऊ महिला पुन्नी जत्रेत सहभागी होण्यासाठी बुधवारी सकाळी कारने राजीमकडे जाण्यासाठी निघाल्या. रायपूरच्या पुढे अभानपूरच्या केंद्री गावाजवळ पोहोचले असता भरधाव असलेली कार नियंत्रणाबाहेर जाऊन दुभाजकावर (car accident) आदळली. या अपघातात सहा महिलांचा मृत्यू झाला, तर तीन महिला आणि चालक गंभीर जखमी झाले.

पोलिसांनी दिलेल्या माहितीनुसार, सुचिता साहू (वय ६५), काजल (६०), सविता दास (६५), रीना चौधरी (७५), रीना दास (७५) आणि अर्चना मोला (४०) अशी मृत महिलांची नावे आहेत. छत्तीसगडमधील राजीम पुन्नी जत्रा पाहण्यासाठी या महिला कारने निघाल्या होत्या. रायपूर जिल्ह्यातील अभानपूरला लागून असलेल्या केंद्रीजवळ निर्माणाधीन रस्त्याच्या दुभाजकावर त्यांची कार आदळली.

यावेळी रस्त्याचे बांधकाम सुरू होते. कारचा वेग जास्त असल्याने अपघात (car accident) घडला. अपघातात कारमधील सर्वजण गंभीर जखमी झाले. यात चार महिलांचा जागीच मृत्यू झाला, तर एकाचा वाटेतच मृत्यू झाला. तर एकाचा रुग्णालयात मृत्यू झाला. तीन गंभीर जखमी महिला आणि चालकाला रायपूर येथील आंबेडकर रुग्णालयात दाखल करण्यात आले आहे. सर्वांची प्रकृती चिंताजनक असल्याचे सांगण्यात येते. पोलिसांनी जखमींना रायपूर येथील आंबेडकर रुग्णालयात दाखल केले आहे.

सर्व जखमींची प्रकृती गंभीर

रुग्णालयात दाखल सर्व जखमींची प्रकृती गंभीर आहे. पोलिसांनी गुन्हा दाखल करून तपास सुरू केला आहे. एकाचवेळी सहा महिलांचा मृत्यू झाल्याने भिलाई (Chhattisgarh) येथील महिलांच्या वस्तीवर शोककळा पसरली आहे. मुख्यमंत्री भूपेश बघेल यांनी या दुर्घटनेत सहा महिलांच्या मृत्यूबद्दल तीव्र शोक व्यक्त केला आहे. जखमींना उत्तम उपचार सुविधा उपलब्ध करून द्याव्यात आणि मृतांच्या कुटुंबीयांना सर्वतोपरी मदत करण्याच्या सूचना मुख्यमंत्र्यांनी अधिकाऱ्यांना दिल्या आहेत.