भिंड : मध्य प्रदेशातील भिंड येथे तलावात गाडी पडून तिघांचा मृत्यू झाला आहे. गाडीवरील नियंत्रण सुटल्याने ही गाडी थेट तलावात पडली. पोलिस घटनास्थळी पोहोचले असून सर्व मृतदेहांना तलावाच्या बाहेर काढून शवविच्छेदनास पाठविण्यात आले आहेत. 

हल्ले होण्यापूर्वीच उधळले जाताहेत : लष्करप्रमुख नरवणे

काल (ता. २०) मध्यरात्री ही घटना घडली. काळ्या रंगाच्या स्कोर्पिओ गाडीत तिघेजण प्रवास करत होते. गाडीचा वेग जास्त असल्यामुळे चालकाला गाडी नियंत्रणात ठेवता आली नाही व गाडी थेट भिंड परिसरातील गौरी तलावात पडली. या अपघातात तिघांचा मृत्यू झाला असून शवविच्छेदनाचे काम सुरू आहे. 

ताज्या बातम्यांसाठी डाऊनलोड करा ई-सकाळचे ऍप

पोलिसांनी दिलेल्या माहितीनुसार गाडी प्रचंड वेगात होती. गौरी लेकजवळ रस्ता अरुंद होत असल्याने, चालकाला गाडी नियंत्रणात आणता आली नाही. त्यामुळे हा अपघात झाला. अपघातानंतर गाडी क्रेनने तलावाबाहेर काढण्यात आली.