दिल्लीतील गुलाबीबागमध्ये रविवारी सकाळी एक मोठी दुर्घटना घडली. येथे फूटपाथवर उभ्या असलेल्या तीन मुलांना एका भरधाव कार चिरडले , या अपघातानंतर एका मुलाची प्रकृती गंभीर असल्याचे सांगण्यात येत आहे.

ड्रायव्हरचे कारवरील नियंत्रण सुटल्याने कार फुटपाथवर चढल्याचे सांगण्यात येत आहे. या अपघातात जखमी झालेल्या दोन मुलांची प्रकृती चांगली असून एकाची प्रकृती चिंताजनक असल्याचे सांगण्यात येत आहे. ही घटना रविवारी सकाळी नऊच्या सुमारास घडली असून रस्त्यावर लावण्यात आलेल्या सीसीटीव्ही कॅमेऱ्यात ती कैद झाली आहे.

या घटनेचा सीसीटीव्हीही समोर आला असून, त्यात भरधाव कार स्पष्ट दिसत आहे. अपघातानंतर स्थानिक लोक धावताना दिसत आहेत. दुसरीकडे, या घटनेबाबत दिल्ली पोलिसांनी सांगितले की, आज सकाळी गुलाबी बाग परिसरात एका वेगवान कारने 3 मुलांना धडक दिली, 2 मुलांना किरकोळ दुखापत झाली, तर तिसर्‍याची प्रकृती गंभीर पण स्थिर असून त्याला रुग्णालयात दाखल करण्यात आले आहे.