छंद अशी गोष्ट आहे जी माणसाला काहीही करण्यास भाद पाडते याचे एक ताजे उदाहरण म्हणजे एका व्यक्तीने 71 हजारांची स्कूटी खरेदी केली आहे. ही तर साधारण गोष्ट आहे.अशी स्कूटी कोणीही खरेदी करू शकतो पण आश्चर्याची गोष्ट म्हणजे त्याने त्याच्या या स्कूटीसाठी 15 लाख रुपयांची नंबर प्लेट खरेदी केली आहे. हे एकूण तुम्हाला धक्का बसेल पण हे तितकेच खरं आहे. (Chandigarh man pays ₹15 lakh for number plate of scooty)

चंदीगड येथे राहणाऱ्या बृजमोहन नावाच्या 42 वर्षीय व्यक्तीने काही दिवसांपूर्वी होंडा ॲक्टिव्हा स्कूटी खरेदी केली होती. या स्कूटीची किंमत 71 हजार रुपये आहे. आता आश्चर्याची बाब म्हणजे हजारोच्या या स्कूटीसाठी त्यांनी 15 लाखांहून अधिक रुपयांची नंबर प्लेट खरेदी केली आहे त्यामुळे हा चर्चेचा विषय ठरलाय.

बृजमोहनने सांगितले की, त्याने आपल्या मुलाच्या सांगण्यावरून ही 15.4 लाखांची महागडी नंबर प्लेट खरेदी केली आहे. लाखोंमध्ये विकल्या जाणाऱ्या या वाहनाचा VIP क्रमांक CH01-CJ-0001 आहे. बृजमोहन सांगतात की आणखी दुसरे वाहन घेणार असून हा महागडा क्रमांक त्याच वाहनासाठी वापरला जाणार.

14 ते 16 एप्रिल दरम्यान या नंबरचा लिलाव करण्यात आला आणि या कालावधीत बृजमोहनने हा VIP नंबर खरेदी केलाय. या लिलावात एकूण 378 जणांची बोली लागली होती. या लिलावात ब्रिजमोहनची बोली सर्वात वरची होती. सर्वाधिक किंमत मोजून त्यांनी ही नंबर प्लेट खरेदी केली होती.या नंबरची सुरुवातीची बोली 50 हजार होती पण बोली 15.4 लाख रुपयांपर्यंत गेली आणि ब्रिजमोहनने ती खरेदी केली.