चंदीगड : इंडिया आघाडी आणि भाजप हे पहिल्यांदाच चंदीगडच्या महापौरपदाच्या निवडणुकीत एकमेकांसमोर उभे ठाकले होते. यामध्ये भाजपनं विजय मिळवला आहे. भाजपचे मनोज सोनकर महापौर होणार आहेत. (Chandigarh Mayor Election defeat of India alliance against BJP)

पंजाबमधील चंदीगडच्या महापौरपदासाठी निवडणूक पार पडली. या निवडणुकीसाठी आम आदमी पक्ष आणि काँग्रेसनं आघाडी केली होती. त्यामुळं पहिल्यांदाच ही निवडणूक इंडिया आघाडी विरुद्ध भाजप अशी थेट रंगली. या निवडणुकीत भाजपचे महापौरपदाचे उमेदवार मनोज सोनकर यांना 16 तर इंडिया आघाडीला 12 मतं पडली. 8 मतं बाद ठरल्यानं या निवडणुकीत भाजपचा विजय झाला आहे. (Latest Marathi News)

दरम्यान, या निकालानंतर महापालिकेत मोठा राडा झाला. तसेच आम आदमी पार्टीनं हे भाजपचं षडयंत्र असल्याचं म्हटलं आहे. कारण जाणीवपूर्वक ८ नगरसेवकांची मत बाद करुन भाजपच्या उमेदवाराला अप्रत्यक्षपणे मदत केली असल्याचा दावा आपनं केला.