गेल्या काही दिवसांमध्ये अपघातांच्या घटनांमध्ये मोठ्या प्रमाणावर वाढ झाल्याचे दिसून येत आहे. अशातच छत्तीसगडमध्ये भीषण अपघाताची घटना घडली आहे. छत्तीसगडमधील बेमेटारा येथे भीषण अपघात झाला असून त्यामध्ये ८ जणांचा मृत्यू झाला आहे. मृतांमध्ये 5 महिला आणि 3 लहान मुलांचा समावेश आहे. या अपघातात 23 जण जखमी झाल्याचे सांगण्यात येत आहे. जखमींपैकी ४ जणांची प्रकृती चिंताजनक असून, त्यांना रायपूर येथील एम्स रूग्णालयात पाठवण्यात आले आहे.

जखमींपैकी ४ जणांची प्रकृती चिंताजनक असून, त्यांच्यावर रायपूर येथील एम्स रूग्णालयामध्ये उपचार सुरू आहेत. उर्वरित जखमींवर जिल्हा रुग्णालय, बेमतारा आणि सिमगा येथील सामुदायिक आरोग्य केंद्रात उपचार सुरू आहेत.

बेमेत्रा पोलीस ठाण्याच्या हद्दीतील काठिया पेट्रोल पंपाजवळ हा अपघात झाला आहे. रस्त्याच्या कडेला एक माझदा कार उभी होती, तिला एका पिकअपने धडक दिली. एका कौटुंबिक कार्यक्रमाला उपस्थित राहून सर्व लोक तिरैया गावातून त्यांच्या पाथरा गावात परतत होते. त्यावेळी हा भीषण अपघात झाला. सध्या घटनास्थळी जिल्हाधिकारी एसपी आणि एसडीएम प्रशासन उपस्थित आहेत.

एका वरिष्ठ पोलीस अधिकाऱ्याने या घटनेबाबत माहिती देताना सांगितले की, रविवारी रात्री उशिरा काथिया गावाजवळ हा अपघात झाला हे सर्व प्रवाशी एका कार्यक्रमात सहभागी होऊन परतत होते. अपघाततील सर्वजण मूळचे पाथरा गावचे रहिवासी आहेत. ते तिरय्या गावात एका कार्यक्रमात सहभागी होऊन घरी परतत होते. त्यावेळी हा अपघात झाला आहे.