छत्तीसगडमधील बेलतरा येथे महामार्गावर भीषण अपघात झाला आहे. अंबिकापूर जिल्ह्यातील भाजप कार्यकर्त्यांना घेऊन जाणारी बस एका ट्रेलरला धडकली, ज्यात दोन जण ठार तर 6 जखमी झाले आहेत. ही बस पंतप्रधान मोदींच्या सभेत सहभागी होण्यासाठी जात होते. या बसमध्ये भाजपचे एकूण 40 कार्यकर्ते होते. जखमींना उपचारांसाठी तत्काळ जवळच्या रुग्णालयात दाखल करण्यात आले असून तिघांची प्रकृती गंभीर असल्याचे सांगण्यात येत आहे.(Latest Marathi News)

पंतप्रधानांच्या सभेला उपस्थित राहण्यासाठी सर्व लोक अंबिकापूरहून रायपूरला जात होते. हा अपघात एवढा भीषण होता की, बसच्या बहुतांश भागाचा चुराडा झाला आहे. अपघातानंतर बचाव पथक घटनास्थळी पोहोचले त्यानंतर स्थानिक लोकांच्या मदतीने जखमींना तातडीने बसमधून बाहेर काढले आणि रुग्णालयात दाखल केले. (Marathi Tajya Batmya)

आज पंतप्रधान मोदी रायपूरमध्ये जाहीर सभा घेणार आहेत. रॅलीपूर्वी पंतप्रधानांनी ट्विट केले की, 'उद्या रायपूरमध्ये छत्तीसगड भाजपच्या रॅलीत जनतेशी संवाद करण्यासाछी मी खूप उत्सुक आहे. छत्तीसगडच्या जनतेचे भाजपशी नेहमीच घट्ट नाते राहिले आहे. त्यांचे आशीर्वाद सदैव कायम राहतील याची मला खात्री आहे'.(Latest Marathi News)

पंतप्रधान आयुष्मान भारत योजनेंतर्गत लाभार्थ्यांना 75 लाख कार्ड वितरणाचे उद्घाटन करतील आणि अंतागढ़ (कांकेर जिल्हा) ते रायपूर या नवीन ट्रेनला हिरवा झेंडा दाखवतील. त्यानंतर पंतप्रधान त्याच ठिकाणी जाहीर सभेला संबोधित करतील. (Marathi Tajya Batmya)