लखनौ (उत्तर प्रदेश): गाजीपूर जिल्ह्यामध्ये तीन पायांच्या बाळाचा जन्म झाला असून, त्याला पाहण्यासाठी नागरिक गर्दी करत आहेत. अनेकांनी हा दैवी चमत्कार असल्याचे म्हटले असून, परिसरात चर्चा रंगली आहे.

क्वारंटाइनच्या शिक्क्यामुळे हाताची झाली अशी अवस्था...

प्रसारमाध्यमांनी दिलेल्या वृत्तानुसार, गाजीपूर जिल्ह्यातील तियरा गावात तीन पायांच्या बाळाचा जन्म झाला आहे. गावातील प्रियंका देवी यांनी 29 सप्टेंबर रोजी बाळाला जन्म दिला आहे. मुलाचा तिसरा पाय त्याच्या गुप्तांगाशी जोडला गेलेला आहे. या पायाला सहा बोटे आहेत. बाळाचे आरोग्य उत्तम असून ते सामान्य बाळासारखे आहे. तीन पायांचं बाळ हा सध्या सर्वत्र कुतुहलाचा विषय झाला असून, अनेकजण त्याच्या पाया पडण्यासाठी गर्दी करू लागले आहेत.

Video: युवती अडकली वॉशिंग मशिनमध्ये...

दरम्यान, बाळाचे वडील विवेकानंद यांची आर्थिक परिस्थिती नाजूक आहे. मुलावर उपचार करण्यासाठी त्यांच्याकडे पैसे नाहीत. मुलाच्या उपचारासाठी त्यांनी मदतीचे आवाहन केले आहे.  मुख्यमंत्री योगी आदित्यनाथ यांच्याकडे देखील मदत मागितली आहे. सहाय्यक मुख्य वैद्यकीय अधिकारी उमेश कुमार यांनी हा विशिष्ट प्रकारचा आजार असून, या आजाराला कंजेनिटल अनोमिली असे म्हटले जाते. गरोदर महिला जर रेडिएशनच्या संपर्कात आली किंवा एखाद्या औषधाचा साइड इफेक्ट झाल्यास अशा प्रकारचे मूल जन्माला येते, असेही उमेश कुमार यांनी म्हटले आहे.