DY Chandrachud:

CJI DY चंद्रचूड हे सर्वोच्च न्यायालयात अचानक बंगाली बोलू लागले. त्यामुळे सर्वांना अचानक आश्चर्याचा धक्का बसला. सर्वोच्च न्यायालयाचे वरिष्ठ न्यायमूर्ती अनिरुद्ध बोस आज बुधवार आपल्या पदावरुन निवृत्त झाले.  न्यायमूर्ती बोस सुमारे पाच वर्षे सर्वोच्च न्यायालयात राहीले. त्यांच्या निवृत्तीच्या पूर्वसंध्येला, सर्वोच्च न्यायालय बार असोसिएशनने त्यांच्या सन्मानार्थ निरोप समारंभ आयोजित केला होता. ज्यामध्ये देशाचे मुख्य न्यायाधीश डी वाय चंद्रचूड यांनी न्यायमूर्ती बोस यांचे कौतुक केले.

CJI  डी वाय चंद्रचूड म्हणाले, खंडपीठाकडून सहकाऱ्याला निरोप देणे हे खूप कठीण काम आहे. निवृत्तीच्या दिवशी मित्राला निरोप देताना, आम्ही आमच्या मित्राचा सन्मान करतो.

चंद्रचूड यांनी न्यायमूर्ती बोस यांना खरा बंगाली आणि बंगाली भद्रलोकातील सच्चा आणि सक्षम माणूस असे वर्णन केले. बोस यांना भक्ती चळवळीच्या प्रभावाची सखोल माहिती होती. ते उत्कृष्ट न्यायाधीश आहेत आणि पदोन्नती होण्यापूर्वी ते एक उत्कृष्ट वकील होते, त्यांनी कलकत्ता उच्च न्यायालयात युक्तिवाद करताना विविध प्रकारचे खटले हाताळले आहेत.

यानंतर न्यायमूर्ती चंद्रचूड अचानक बंगाली बोलू लागले. ते बंगालीमध्ये म्हणाले, "बिचारपति श्री बोस: अक्जोन क्लासिकल बांग्ला भद्रलोक, शोभाबे उनि एकटा बुद्धिजिबी.. जस्टिस बोस शाहित्यो, इतिहास, काव्यकार एकटा बिशेष छात्र और श्री श्री राम कृष्ण डेवर पुस्तक ओनार पसंदीदा, बांग्ला भोद्रोलोक होते होले धुति पंजाबी पोर्टे होये अर फूडी होते होये।"

म्हणजेच, विद्वान असण्याबरोबरच बोस हे एक उत्कृष्ट बंगाली भद्रलोक विचारवंत आहेत. ते साहित्य, संस्कृती, इतिहास आणि काव्यशास्त्राचे विशेष विद्यार्थी राहिले आहेत. त्यांना श्री श्री रामकृष्ण देव यांची पुस्तके आवडतात. बंगाली भद्रलोकातील माणूस असूनही त्यांना पंजाबी धोतर आणि खाण्याचीही आवड आहे.