Pregnancy Test CID Inquiry esakal
देश

मोठी बातमी! दोन वर्षांत तब्बल एक हजाराहून अधिक भ्रूणहत्या; मुख्यमंत्र्यांनी दिले CID चौकशीचे आदेश, सहभागी डॉक्टरची आत्महत्या

गेल्या आठवडाभरापासून गर्भलिंग चाचणी आणि भ्रूणहत्येचे प्रकरण राज्यात चांगलेच गाजत आहे.

सकाळ डिजिटल टीम

म्हैसूर आणि मंड्या येथे घडलेली भ्रूण हत्या प्रकरणे समाजासाठी मोठी बदनामी होती. एक हजाराहून अधिक भ्रूणहत्या झाली आहे.

बंगळूर : राज्यभरात खळबळ माजवणाऱ्या गर्भलिंग चाचणी (Pregnancy Test) आणि भ्रूणहत्या प्रकरणाची चौकशी राज्य सरकारने सीआयडीवर (CID Inquiry) सोपविली आहे. मुख्यमंत्री सिद्धरामय्या (CM Siddaramaiah) यांनी याबाबत आदेश जारी केला आहे. तसेच गृहराज्यमंत्री डॉ. जी. परमेश्वर (G Parameshwar) यांनी फोनवरून माहिती दिली आहे.

गेल्या आठवडाभरापासून गर्भलिंग चाचणी आणि भ्रूणहत्येचे प्रकरण राज्यात चांगलेच गाजत आहे. म्हैसूर आणि मंड्या येथे घडलेली भ्रूण हत्या प्रकरणे समाजासाठी मोठी बदनामी होती. एक हजाराहून अधिक भ्रूणहत्या झाली आहे.

प्राथमिक तपासात पोलिसांना म्हैसूरचे आयुर्वेदिक डॉ. चंदन बल्लाळ आणि त्यांच्या टीमने अवघ्या तीन महिन्यांत २४२ स्त्रीभ्रूण हत्या केल्याची कागदपत्रे, पुरावे सापडले आहेत. दोन वर्षांत एक हजाराहून अधिक भ्रूणहत्या झाल्याची शक्यता आहे. निरीक्षक प्रशांत यांच्या नेतृत्वाखालील पथकाने उदयगिरी (म्हैसूर) येथील आयुर्वेदिक डे केअर सेंटरवर छापा टाकून रुग्णालयाला टाळे ठोकले.

रुग्णालयाचे मालक डॉ. चंदन बल्लाळ यांनी मशिन्स वाताहात लावत कागदपत्रे नष्ट केली होती. त्यानंतर चंदनच्या घराची झडती घेतली असता रुग्णालयातील रजिस्ट्रर सापडले. ज्यामध्ये सर्व तपशील मिळाला. संघटित नेटवर्कद्वारे गर्भपातासाठी २५ ते ३० हजार रुपये निश्चित केले होते. गुन्ह्यात सहभागी असलेले डॉ. चंदन बल्लाळ, डॉ. तुलसीराम, मीना, लॅब टेक्निशियन रिझमा, वीरेश यांच्यासह नऊ जणांना अटक करून तुरुंगात पाठवण्यात आले आहे. सिद्धेशसह अन्य फरार आरोपींना पकडण्यासाठी कारवाई सुरू आहे.

डॉ. सतीश याचा मोटीरीत मृतदेह

म्हैसूर येथील कोनसूर शासकीय रुग्णालयात कंत्राटी तत्त्वावर डॉक्टर म्हणून कार्यरत काम करणारा डॉ. सतीश हा शुक्रवारी त्याच्या मोटारीमध्ये मृतावस्थेत आढळून आला. भ्रूणहत्या प्रकरणात त्याचे नाव आले होते. भ्रूणहत्येचे प्रकरण उघडकीस येताच डॉ. सतीश हा फरार होता. पकडले जाण्याच्या भीतीने सतीशने आत्महत्या केली असावी, असा संशय आहे.

दोन स्कॅनिंग मशिन जप्त

मंड्या जिल्ह्यातील अलेमाने येथे गर्भलिंग तपासणीसाठी वीरेशने स्कॅनिंग प्रयोगशाळा सुरू केली होती. त्यात डॉ. तुलसीराम आणि वीरेश अल्ट्रा साउंड स्कॅनिंग मशिन वापरून लिंगचाचणी करत होते. हा स्त्रीभ्रूण असल्याचे समजल्यानंतर गर्भवती महिलेला म्हैसूरचे डॉ. चंदन बल्लाळ यांच्या मालकीच्या आयुर्वेदिक डे केअर सेंटरमध्ये पाठवले जात होते. दरम्यान, दोन स्कॅनिंग मशिन जप्त केल्या आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Vehicle Insurance Expiry : गाडीचा इन्शुरन्स संपलाय, टोल नाका ओलांडताच दहा हजारांच्या दंडाचा येणार मेसेज; काय आहे नवीन नियम ?

Gokul Milk Rate : मुंबई-पुण्यापासून कोल्हापूरपर्यंत दूध महागणार; 'गोकुळ'च्या दरात प्रति लिटर 2 ते 4 रुपयांची वाढ निश्चित, दरवाढीचा निर्णय शनिवारी शक्य

IND vs NZ, 1st Test: तो OUT होता... DRS मध्ये फिलिप्सला नाबाद दिल्यानं शुभमन गिलचा चढला पारा; अंपायरशीही वाद

Kolhapur KMT Ticket Hike : कोल्हापूरकरांच्या खिशाला कात्री! केएमटीचा प्रवास महागणार; तिकिटाचे दर 'इतक्या' रुपयांनी वाढणार?

Amravati News: विहिरीच्या खोदकामावेळी काळाचा घाला ;थडीवरील दगड डोक्यावर कोसळल्याने मजुराचा मृत्यू

SCROLL FOR NEXT