नवी दिल्ली - आगामी काळात पाच राज्यांत विधानसभा निवडणूक होणार आहे. या निवडणुकीच्या पार्श्वभूमीवर काँग्रेस कामाला लागले आहे. काही दिवसांपूर्वीच काँग्रेसने कर्नाटकमध्ये जबरदस्त विजय मिळवला. त्यानंतर काँग्रेसचा उत्साह वाढला आहे.
या पार्श्वभूमीवर काँग्रेसकडून निरीक्षकांच्या नियुक्त्या जाहीर करण्यात आल्या आहेत. काँग्रेस अध्यक्ष मल्लिकार्जुन खरगे यांनी या नियुक्त्या जाहीर केल्या आहेत. यामध्ये मध्यप्रदेश, राजस्थान, छत्तीसगड, तेलंगणा, मिझोराम येथील नियुक्ती जाहीर झाल्या आहेत.
मध्यप्रदेशच्या निरीक्षकपदी महाराष्ट्रातील चंद्रकांत हांडोरे यांची नियुक्ती करण्यात आली आहे. महाराष्ट्र विधान परिषदेच्या निवडणुकीतील पराभवानंतर हंडोरे यांच्यावर पक्षाने मोठी जबाबदारी सोपवली आहे.
राजस्थानच्या वरिष्ठ निरीक्षकपदी मधुसूदन मिस्त्री, तर निरीक्षकपदी शशिकांत सेंथील, मध्ये प्रदेशच्या वरिष्ठ निरीक्षपदी रणदीप सुरजेवाला, छत्तीसगढच्या वरिष्ठ निरीक्षकपदी प्रितम सिंग आणि निरीक्षकपदी मीनाक्षी नटराजन तसेच तेलंगनाच्या वरिष्ठ निरीक्षपदी दीपा दसमुशी यांची तर निरीक्षकपदी डॉ. श्रीवेल्ला प्रसाद यांची नियुक्ती करण्यात आली. तर मिझोरमच्या निरीक्षकपदाची जबाबदारी सचिन राव यांच्याकडे सोपविण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.