नवी दिल्ली : डान्सर सपना चौधरीने काँग्रेसमध्ये प्रवेश केल्याच्या चर्चा गेल्या काही दिवसांपासून केल्या जात होत्या. मात्र, आता स्वत: सपना चौधरी यांनी आपण काँग्रेसमध्ये प्रवेश केला नसल्याचे सांगितले. तसेच आगामी निवडणुकीत कोणत्याही पक्षाचा प्रचार करणार नाही, असेही स्पष्ट केले.

सपना चौधरी यांनी काँग्रेसमध्ये प्रवेश केला असून, त्या निवडणूक लढविणार असल्याच्या चर्चा सुरु होत्या. त्यानंतर आता सपना चौधरीने याचे खंडन केले आहे. त्याबाबत बोलताना सपना म्हणाली, मी एक डान्सर आहे. माझ्या काँग्रेस प्रवेशाबाबत कोणी वक्तव्य केले मला माहीत नाही. त्यांना काय उत्तर द्यायचे हेही मला माहीत नाही. माझे कोणतेही ट्विटर अकाउंट नाही. मला कोणाचेही देणं-घेणं नाही. तसेच काँग्रेस नेते राज बब्बर यांची मी भेट घेतली नाही. याशिवाय प्रियांका गांधी यांच्याशी मी पहिल्यांदाच भेट घेतली होती. प्रियंका गांधी यांच्यासोबत असलेला माझा फोटो जुना आहे. 

दरम्यान, आगामी लोकसभा निवडणूक लढविण्याचा माझा कोणताही विचार नाही, असे स्पष्टीकरणही त्यांनी यावेळी दिले.