जलौन: उत्तर प्रदेशात काँग्रेसचे जिल्हाप्रमुख अनुज मिश्रा यांच्यावर जालौनमध्ये छेडछाडीचा गुन्हा दाखल करण्यात आला आहे. दोन महिलांनी केलेल्या मारहाणीचा व्हिडिओ व्हायरल झाला तेव्हा हे प्रकरण उघडकीस आले. महिलांनी सांगितले की, याबद्दलची तक्रार प्रदेश काँग्रेस अध्यक्षाकडे केली होती, पण त्यावर कोणतीही कारवाई करण्यात आली नाही. 

आता या प्रकरणाची चौकशी करण्यासाठी पक्षाने पाच सदस्यीय समिती स्थापन केली आहे. पोलिसांनीही याबद्दलची चौकशी सुरू केली आहे.  यादरम्यान अनुज मिश्रा यांनी स्वत:वरील आरोप हे राजकीय षडयंत्र असल्याचे सांगितले आहे.

हे प्रकरण जलौन जिल्ह्यातील उरई कोतवाली परिसरातील असून तेथे दोन महिलांनी काँग्रेसचे जिल्हा अध्यक्ष अनूज मिश्रा यांच्यावर छेडछाडीचा आरोप केले आहेत. छेडछाडीला कंटाळून त्यांनी मिश्रा यांना मारहाण केली, ज्याचा व्हिडिओ सोशल मीडियावर मोठा व्हायरल होत आहे. हा व्हिडिओ जालौन जिल्ह्यातील उरई रेल्वे स्टेशनजवळचा असून त्यात दोन्ही महिला अनुज मिश्राला चपलांनी मारताना दिसत आहेत. 

'बाबा का ढाबा' फेमस करणाऱ्या यू-ट्यूबर विरोधातच बाबांची पोलिसांत तक्रार; जाणून घ्या कारण

याबद्दल तक्रारदार महिलांनी सांगितले की, मागील काही दिवसांपासून मिश्रा आम्हाला त्रास देत होते. याबद्दलची तक्रार आम्ही अजयकुमार लल्लूंकडे तक्रार केली पण त्याचा काही उपयोग झाला  नाही.

तपासाला सुरुवात-
या प्रकरणात काँग्रेसने पाच सदस्यीय समिती स्थापन केली असून तो आपला अहवाल पक्ष नेतृत्वाला सादर करणार आहेत. पोलिसही या प्रकरणाचा तपास करत आहेत. तपासाच्या आधारे या प्रकरणी पुढील कार्यवाही केली जाईल, असे पोलिसांनी सांगितले आहे.

(edited by- pramod sarawale)