अयोध्येतील रामजन्मभूमी आणि बाबरी मशीदीबाबतच्या वादावर शनिवारी (ता.9) सर्वोच्च न्यायालयाने ऐतिहासिक निकाल जाहीर केला. त्या वादग्रस्त जमिनीवर राम मंदिर बांधण्यात यावे. आणि 5 एकर जमीनीवर मशीद बांधण्यासाठी वेगळा भूखंड दिला जाईल, अशी घोषणा सर्वोच्च न्यायालयाने केली. या निकालाचे देशभरातून स्वागत करण्यात येत आहे. काँग्रेस नेते राहुल गांधी यांनीही या निकालाच्या निर्णयाबाबत ट्विट केले आहे.
''अयोध्येतील रामजन्मभूमीच्या वादग्रस्त जमिनीबाबत सुप्रीम कोर्टाने आज निकाल जाहीर केला. या निकालाचा सन्मान करताना आपण सर्वांनी आपल्यातील सद्भावना जपली पाहिजे. हा काळ आपण सर्व भारतीयांमध्ये बंधुत्व, विश्वास आणि प्रेम जपण्यासाठी महत्त्वाचा ठरणारा आहे,'' असे ट्विट राहुल गांधी यांनी केले आहे.
तत्पूर्वी, या निकालाचे न्यायदान करण्याची जबाबदारी सर्वोच्च न्यायालयाचे सरन्यायाधीश रंजन गोगोई, न्या. धनंजय चंद्रचूड, न्या. शरद बोबडे, न्या. अशोक भूषण आणि न्या. ए. अब्दुल नाझीर या पाच न्यायाधीशांवर होती.
इतर सर्व वादी-प्रतिवादी ग्राह्य न धरता फक्त रामलल्ला आणि सुन्नी वक्फ बोर्ड या दोघांनाच खटला लढविण्याचा हक्क आहे, हे सुप्रीम कोर्टाने मान्य केले होते. निकाल जाहीर करतानाच न्यायालयाने तीन महिन्याच्या कालावधीत एका ट्रस्टची स्थापना करून राम मंदिर बांधण्यात यावे, असा आदेशही दिला आहे.
अयोध्येतील रामजन्मभूमीची 2.77 एकर वादग्रस्त जागेवर आज सुप्रीम कोर्टाने निकाल दिला. गेल्या काही वर्षांपासून ही वादग्रस्त जागा देशाच्या राजकारणाच्या केंद्रस्थानी राहिली आहे. निकाल जाहीर करण्याच्या पार्श्वभूमीवर देशात ठिकठिकाणी सुरक्षा व्यवस्थेसाठी जवान तैनात करण्यात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.