लोकसभा निवडणुकीचे एक्झिट पोल समोर येत आहेत. निवडणुकीसंदर्भातील एक्झिट पोलवर प्रतिक्रिया देताना काँग्रेसने हे योग्य नसल्याचे म्हटले आहे. पक्षाच्या नेत्या सुप्रिया श्रीनेत म्हणाल्या की, हे एक्झिट पोल जनतेचे नसून पंतप्रधान नरेंद्र मोदी यांचे आहेत.

सुप्रिया श्रीनेत यांनी म्हटलं की, "सरकारी एक्झिट पोल आहेत. पंतप्रधान नरेंद्र मोदी यांचा एक्झिट पोल आहे. जनतेच्या एक्झिट पोलनुसार विरोधी इंडिया आघाडीला २९५ जागा मिळत आहेत. यातली एकही जागा कमी होणार नाही. आम्हाला याचा अंदाज आहे.

एबीपीचे एक्झिट पोलनुसार कोणला किती जागा मिळाल्या?

एबीपी-सी-व्होटरच्या एक्झिट पोलनुसार एनडीएला संध्याकाळी ७ वाजेपर्यंत १७५ ते २०७ जागा मिळण्याचा अंदाज वर्तवण्यात आला होता. तर विरोधी पक्षांच्या इंडिया आघाडीला ९४ ते ११७ जागा मिळण्याची शक्यता वर्तवण्यात आली होती. तर अपक्ष १ ते ७ जागा मिळण्याची शक्यता आहे. दरम्यान, लोकसभा निवडणुकीची मंगळवारी ४ जून रोजी मतमोजणी होणार आहे.

रिपब्लिक MPARQ च्या एक्झिट पोलनुसार देशभरात एनडीए आघाडीला 353 ते 368 जागांवर आघाडी मिळण्याचा अंदाज वर्तवण्यात येत आहे. तर, विरोधी पक्षांच्या इंडिया आघाडीला केवळ 118 ते 133 जागांवर आघाडी मिळणार असल्याचा अंदाज दिसून येते. तसेच, इतरमध्ये 43 ते 48 जागांचा अंदाज आहे.

रिपब्लिक Matriz च्या एक्झिट पोलनुसार देशात एनडीए आघाडीला 359 जागांवर आघाडी आहे. तर, इंडिया आघाडीला 154 जागांवर आघाडी मिळू शकते. इतरमध्ये 30 जागा दर्शवण्यात आल्या आहेत.