नवी दिल्ली :अंमलबजावणी संचालनालयाने (ईडी) दिल्लीतील यंग इंडियनचे कार्यालय सील केल्यानंतर विरोधी पक्ष काँग्रेसने तिखट प्रतिक्रिया दिली आहे. काँग्रेसने याला बेरोजगारी-महागाईच्या मुद्द्यावरून केंद्र सरकारविरोधातील पक्षाचे आंदोलन दडपण्याचा प्रयत्न म्हटले आहे. काँग्रेस नेते अजय माकन यांनी पत्रकार परिषदेत सांगितले की, यावेळी जी काही कारवाई केली जात आहे, ती काँग्रेसला धमकवण्यासाठी केली जात आहे. मूळ मुद्द्यांवरून लक्ष विचलित करण्याचा प्रयत्न करण्यात येत आहे.

दिल्लीत आयोजित पत्रकार परिषदेत काँग्रेसच्या वतीने सांगण्यात आलं की, गेल्या शनिवारी काँग्रेसकडून सर्क्युलर जारी करण्यात आलं. त्यानुसार 5 ऑगस्ट रोजी आम्ही महगाई, बेरोजगारी आणि खाद्य पदार्थांवरील जीएसटीविरुद्ध आंदोलन करण्याचं स्पष्ट केलं होतं. मात्र आज डीसीपी यांच्याकडून पत्र आले असून 5 तारखेला तुम्ही कोणतही आंदोलन करू शकणार नाहीत. मात्र आम्ही महगाई, बेरोजगारी आणि खाद्य पदार्थांवरील जीएसटी या तीन मुद्यांवर आंदोलन करणारच आहोत. मात्र आता दोन दिवसांपूर्वी एक लेटर येत आणि एआयसीसीला छावणीचं रुप आल्याचं अजय माकन यांनी सांगितलं.

कितीही दडपण आणा, महगाई, बेरोजगारी आणि खाद्य पदार्थांवरील जीएसटीविरोधात आम्ही आंदोलन करणारच आहोत. आमच्यावर दबाव टाकण्यासाठी पोलिसांचा दबाव आणला जात असल्याचा आरोप काँग्रेसकडून यावेळी करण्यात आला आहे.

दरम्यान भाजपकडून मुद्दे भरकटवण्यासाठी आंदोलनासाठी चुकीचे कारणं देण्यात येत आहेत. काँग्रेस पक्ष दबावात येणार नसून महगाई, बेरोजगारी आणि खाद्य पदार्थांवरील जीएसटीविरोधातील आंदोलन पंतप्रधान निवासापासून सुरू होणार आहे. त्यासाठी भलेही आम्हाला कारागृहात टाका, असा इशाराही काँग्रेसकडून देण्यात आला.