यूपीच्या शामलीमधील (Shamli Uttar Pradesh) सिक्का गावात (Sikka Village) एका मंदिरात (Temple) मांसाचे (Meat) तुकडे फेकल्याची घटना समोर आलीय. यानंतर गावात तणावाचं वातावरण निर्माण झालंय. माहिती मिळताच संपूर्ण परिसरात मोठा पोलीस (UP Police) बंदोबस्त तैनात करण्यात आलाय.

मिळालेल्या माहितीनुसार, सिक्का गावातील भोमिया खेडा परिसरात समाजकंटकांकडून वातावरण बिघडवण्यासाठी 11 ठिकाणी मांसाचे तुकडे फेकण्यात आले. या घटनेनंतर नागरिकांमध्ये प्रचंड रोष आहे. वास्तविक, समाजकंटकांनी शामली जिल्ह्यातील वातावरण बिघडवण्याचा प्रयत्न केलाय. यासाठी सिक्का गावातील भोमिया खेडा परिसरात 11 ठिकाणी मांसाचे तुकडे फेकल्याचं प्रकरण समोर आलंय.

यानंतर परिसरातील नागरिकांमध्ये प्रचंड नाराजी पसरलीय. त्याचबरोबर या घटनेनंतर शांतता राखण्यासाठी परिसरात मोठा पोलीस बंदोबस्त तैनात करण्यात आलाय. आज (शनिवारी) सिक्का येथील भोमिया खेडा इथं हवन यज्ञ व पूजेसह संपूर्ण गावात प्रसाद वाटपाचा कार्यक्रम ठेवण्यात आला होता. हा सणही दरवर्षी मोठ्या थाटामाटात साजरा केला जातो. त्यासाठी सर्व तयारी करण्यात आली होती. शुक्रवारी समाजकंटकांनी भोमिया खेडा परिसरात 11 ठिकाणी मांसाचे तुकडे विखुरून वातावरण बिघडवलं. याशिवाय, भोमिया खेडाच्या मुख्य रस्त्यावरही मांसाचे तुकडे फेकण्यात आले आहेत. या घटनेची माहिती मिळताच पोलिसांनी घटनास्थळ गाठून प्रथम मांसाचे तुकडे काढले. यासोबतच ही घटना घडवून आणणाऱ्या समाजकंटकांचाही तपास सुरू करण्यात आला आहे.