नवी दिल्ली : देशात कोरोनाचे (Coronavirus in India) रुग्ण सातत्यानं वाढत आहेत. गेल्या काही दिवसांपासून कोरोनाच्या रुग्णांची संख्या दिवसेंदिवस वाढत आहे. आरोग्य मंत्रालयानं (Ministry of Health) जारी केलेल्या ताज्या आकडेवारीनुसार, गेल्या 24 तासांत कोरोनाचे 20,038 नवीन रुग्ण आढळले आहेत. तर, 16,994 लोक कोरोनापासून बरे झाले आहेत.

त्याचवेळी गेल्या 24 तासांत कोरोनामुळं 47 जणांचा मृत्यू झाला आहे. देशातील कोरोनाच्या एकूण सक्रिय प्रकरणांबद्दल बोलायचं झाल्यास, ही संख्या 1,39,073 आहे तर सकारात्मकतेचा दर 4.44% टक्क्यांवर पोहोचला आहे. काल (गुरुवार) देशात कोरोनाचे 20139 नवीन रुग्ण आढळले होते, तर 38 जणांचा मृत्यू झाला होता.

राज्यात गुरूवारी 2229 नव्या रुग्णांची भर

मुंबई : राज्यात काल (गुरुवार) 2229 कोरोनाच्या नव्या रुग्णांची भर पडली आहे. तर काल दिवसभरात एकूण 2594 रुग्ण कोरोनामुक्त होऊन घरी परतले आहेत. मुंबईत सध्या 3318 सक्रिय रुग्ण (Active Patient) आहेत. राज्यातील मृत्यूदर हा 1.84 टक्के इतका झाला. तर आतापर्यंत राज्यामध्ये 78, 47, 894 कोरोनाबाधित बरे होऊन घरी परतले आहेत. त्यामुळं कोरोना रुग्ण बरे होण्याचं प्रमाण 97.95 टक्के इतकं झालं आहे.