नवी दिल्लीः जगभरात कोरोना व्हायरसने धुमाकूळ घातला असून, देशात 17 मे पर्यंत लॉकडाऊनची घोषणा करण्यात आली आहे. लॉकडाऊनदरम्यान जीवनावश्यक वस्तूंची विक्री सुरू आहे. एका दुध विक्रेत्याने सोशल डिस्टंसिंगचे उल्लंघन होवू नये म्हणून चांगली युक्ती केली आहे. संबंधित छायाचित्र सोशल मीडियावर व्हायरल होत आहे.
वन अधिकारी प्रवीण कासवान यांनी आपल्या ट्विटर हँडलवरून हे छायाचित्र व्हायरल केले आहे. छायाचित्र पाहून नेटिझन्स प्रतिक्रियांच्या माध्यमातून व्यक्त होत असून, त्याच्या कल्पकतेचे अनेकांनी कौतुक केले आहे. कोरोना व्हायरसपासून दूर राहण्यासाठी आणि सोशल डिस्टंसिंगचे उल्लंघन होवू नये म्हणून विक्रेत्याने दुचाकीवर दुधाच्या कॅन लटकवले आहेत. दुचाकीच्या सीटवर एक पाईप लावला आहे. या पाईपद्वारे तो दूध विक्री करताना दिसतो. या पाईपमुळे दूध विक्रेता आणि ग्राहकामध्ये अंतर राहताना दिसते.
दरम्यान, दूध विक्रेत्याने लढवलेली युक्ती पाहून अनेकजण थक्क झाले आहेत. लॉकडाऊनदरम्यान प्रत्येकाने सोशल डिस्टंसिंगचे पालन करणे गरजेचे आहे. दुध विक्रेत्याने हे आपल्या कल्पक बुद्धीतून दाखवून दिले आहे. यामुळे दुध विक्री सुरू आहे आणि शल डिस्टंसिंगचे उल्लंघनही होत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.