नवी दिल्ली : कोरोना व्हायरसला रोखण्यासाठी मास्क आणि सॅनिटायझरचा वापर केला जातो. एका व्यक्तीच्या हातावर सॅनिटायझर दिल्यानंतर त्यांना तीर्थ वाटले आणि पिण्याचा प्रयत्नात असताना उपस्थितांनी त्यांना रोखले. संबंधित व्हिडिओ मोठ्या प्रमाणात व्हायरल होत आहे.
व्हिडिओ पाहिल्यानंतर अनेकांना हसू आवरेनासे होत आहे. संबंधित व्हिडिओ प्रसिद्ध कॉमेडियन डॉ. सुनील ग्रोवरने सोशल मीडियावर शेअर केला आहे. कोरोनाचा संसर्ग टाळण्यासाठी प्रत्येकवेळी सॅनिटायझरने हात स्वच्छ करण्याचे आवाहन केले जात आहे. कोरोना व्हायरसमुळे मास्क आणि सॅनिटाझर आता जीवनावश्यक वस्तू होऊ लागली असून, अनेकजण वापरताना दिसतात. व्हायरल झालेल्या व्हिडिओमध्ये एका व्यक्तीच्या हातावर सॅनिटायझर दिल्यानंतर त्यांना तीर्थ असल्याचे वाटले. तीर्थ समजून सॅनिटायझर तोंडात घेण्याआधी स्थानिकांनी त्यांना रोखले. तीर्थ नसून हे सॅनिटायझर असल्याचे सांगितले.
दरम्यान, ग्रोवर यांनी व्हिडिओ शेअर केल्यानंतर लाखो नेटिझन्सनी पाहिला असन, प्रतिक्रियाही नोंदविल्या आहेत. पण, हा व्हिडिओ भारतातील कोणत्या भागातील आहे, हे समजू शकलेले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.