नवी दिल्ली : दिल्ली-महाराष्ट्रासारख्या राज्यांत कोरोनाचा धोकादायक अधिक वाढला आहे. भारतात आज कोरोना विषाणूनं मोठी झेप घेतलीये. देशात एका दिवसांत कोरोना विषाणूचे 10 हजारांहून अधिक रुग्ण आढळले आहेत.

आरोग्य मंत्रालयाच्या म्हणण्यानुसार, गेल्या 24 तासांत देशात कोरोना विषाणूचे 10,158 नवीन रुग्ण आढळले आहेत, जे मागील दिवसांच्या म्हणजेच बुधवारच्या तुलनेत 30 टक्के जास्त आहेत. सध्या सकारात्मकता दर 4.42 टक्क्यांवर आहे.

केंद्रीय आरोग्य मंत्रालयाच्या ताज्या आकडेवारीनुसार, गेल्या 24 तासांत 10,158 नवीन प्रकरणं प्राप्त झाल्यामुळं देशात सक्रिय रुग्णांची संख्या 44,998 वर पोहोचली आहे. तर, देशातील एकूण कोरोना व्हायरसच्या रुग्णांची संख्या आतापर्यंत 4,42,10,127 च्या वर गेली आहे. बुधवारी देशात 7,830 नवीन कोरोनाव्हायरस प्रकरणं नोंदवली गेली आहेत.