नवी दिल्ली

आत्मनिर्भर भारत मोहिमेंतर्गत तयार करण्यात आलेली भारतातील पहिली स्वदेशी कोरोना प्रतिबंधक लस 'कोव्हॅक्सिन' सुरक्षित आहे. मात्र, या लसीच्या तिसऱ्या टप्प्यातील क्लिनिकल ट्रायलची प्रभावशीलता तपासणं गरजेचं आहे, असा दावा एका संशोधन अहवालात करण्यात आला आहे. हा संशोधन अहवाल प्रसिद्ध मेडिकल सायन्स रिसर्च जर्नल Lancetने प्रकाशित केला आहे. या वर्षाच्या सुरुवातीला जानेवारी महिन्यात कोव्हॅक्सिनच्या आपत्कालिन वापरासाठी मंजुरी देण्यात आली होती. त्यावेळी ही लस तिसऱ्या टप्प्यातील ट्रायलमध्ये होती. दरम्यान, संशोधन अहवालात या लसीच्या पहिल्या दोन टप्प्यातील निष्कर्षांचे विश्लेषण करण्यात आले असून यामध्ये लस पूर्णपणे सुरक्षित असल्याचं म्हटलं आहे. 

पुणे : गेल्या वर्षी आजच्याच दिवशी राज्यात आढळला होता पहिला रुग्ण

Lancetमध्ये म्हटलं की, लसीची परिणामकारकता दोन टप्प्यातील चाचण्यांद्वारे निश्चित केली जाऊ शकत नाही. मात्र, हैदराबादस्थित भारत बायोटेकद्वारा बनवण्यात आलेली 'कोव्हॅक्सिन' लस सुरक्षित आणि प्रतिरक्षात्मक आहे. 

Corona Vaccination: मुंबईत लस घेतल्यानंतर 65 वर्षांच्या वृद्ध व्यक्तीचा मृत्यू

अमेरिकेतील मेरिलँड युनिव्हर्सिटी ऑफ चेसापेक हेल्थच्या संसर्गजन्य आजारांचे प्रमुख फहीम युनूस यांनी एका ट्विटद्वारे कोव्हॅक्सिनची डेव्हलपमेंट ही चांगली बातमी असल्याचं म्हटलं आहे. त्यांनी म्हटलं की, "गुड न्यूज, भारत बायोटेकच्या लसीच्या दुसऱ्या टप्प्यातील निष्कर्ष Lancetमध्ये प्रकाशित झाले आहेत. या अंतर्गत ३८० स्वयंसेवकांवर चाचणी घेण्यात आली. लसीचा दुसरा डोस २८ दिवसांनंतर देण्यात येऊ शकतो. या लसीमुळे कोणत्याही प्रकारे गंभीर साईड इफेक्ट समोर आलेले नाहीत. मात्र, दोन टप्प्यातील ट्रायलच्या निष्कर्षांमध्ये लसीच्या परिणामकारकतेचं मापन केलं जाऊ शकत नाही." 

रणबीर कपूरला कोरोनाची लागण; काका रणधीर यांनी दिली माहिती

लँसेटच्या अहवालात म्हटलं की, दुसऱ्या टप्प्यातील निष्कर्ष परिणामकारकतेच्या आकलनाची परवानगी देत नाही. तसेच तिसऱ्या टप्प्यातील सुरक्षा परिणामांसाठी पुढील पुष्टी गरजेची आहे.