नवी दिल्ली, ता. २० (पीटीआय) : देशातील कोरोनाच्या रुग्णांमध्ये वाढ होत असून शनिवारी एकाच दिवसांत १४,५१६ नवे रुग्ण आढळून आले आहेत. हा आतापर्यंतचा एका दिवसांतील उच्चांक असून एकूण रुग्णसंख्या तीन लाख ९५ हजार ४८ झाली आहे. कोरोनामुळे देशात १२,९४८ जणांचा मृत्यू झाला असून शनिवारी ३७५ जणांचा मृत्यू नोंदविण्यात आला आहे.
केंद्रीय आरोग्य मंत्रालयाने जाहीर केलेल्या आकडेवारीनुसार कोरोनाच्या रुग्णांची संख्या वाढत आहे. ही वाढ चिंताजनक आहे. एकीकडे संसर्ग होणाऱ्या रुग्णांचे प्रमाण वाढत असतानाच निम्मे रुग्ण, सुमारे दोन लाख १३ हजार ८३० जण उपचारानंतर कोरोनातून मुक्त झाले आहेत. सध्या देशात एक लाख ६८ हजार २६९ रुग्ण उपचार घेत आहेत. अशाप्रकारे, ५४.१२ टक्के रुग्ण बरे झाले आहेत. सलग नवव्या दिवशी एकाच दिवशी दहा हजारांहून अधिक रुग्ण आढळले आहेत.
देशात १ ते २० जून या कालावधीत दोन लाखांहून अधिक कोरोना रुग्ण आढळले आहे. हा गेल्या वीस दिवसांतील कोरोनाच्या रुग्णसंख्येचा उद्रेक आहे. त्यामध्ये महाराष्ट्र, तमीळनाडू, गुजरात, उत्तरप्रदेश या राज्यातील सर्वाधिक रुग्ण आहेत. भारतात एकट्या महाराष्ट्रात कोरोनाच्या रुग्णांची संख्या 1 लाख 24 हजार 331 इतकी झाली आहे. राज्यात मृतांची संख्या 5893 वर पोहोचली आहे. शुक्रवारी राज्यात कोरोनाचे एकूण 3829 रुग्ण सापडले होते तर 142 जणांचा मृत्यू झाला होता. मुंबईतील धारावीत 17 नवे रुग्ण आढळले होते. धारावीतील कोरोना रुग्णांची संख्या 2151 झाली आहे.
देशभरात 960 वैद्यकीय प्रयोगशाळा कार्यरत असून, गेल्या 24 तासांमध्ये 1,76,959 नमुना चाचण्या करण्यात आल्या. त्यापैकी 7.67 टक्के नमुने कोरोनाबाधित आहेत. आत्तापर्यंत 64 लाख 26 हजार 627 नमुना चाचण्या झाल्या आहेत. प्रतिदिन 3 लाख नमुना चाचण्या करण्याची क्षमता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.