गुवाहाटी : जगभरातील शास्त्रज्ञ कोरोना व्हायरसवर लस शोधण्याचा प्रय़त्न करत असताना दुसरीकडे आसाममधील भाजप आमदाराने गोमुत्र आणि शेणाचा वापर करून औषध बनविल्यास कोरोना रोखण्यात मदत होईल असा दावा केला आहे.
आसाममधील भाजप आमदार सुमन हरिप्रिया यांनी आज (मंगळवार) विधानभवनात बोलताना असा दावा केला. सुमन हरिप्रिया म्हणाल्या, की गोमुत्र आणि शेणामुळे कॅन्सरसारख्या धोकादायक आजार बरे होऊ शकतात. गोमुत्र आणि शेणाचे फायदे आपल्या सगळ्याला माहिती आहेत. गोमुत्राचा वापर आपण परिसरातील शुद्धीकरणासाठीही करतो. त्यामुळे मला वाटते की गोमुत्र आणि शेणामुळे कोरोनासारखा आजारही बरा केला जाऊ शकतो.
चीनमधील वुहान शहरातून या व्हायरसचा प्रसार झाला असून, आतापर्यंत 3 हजारांहून अधिक जणांचा या रोगामुळे मृत्यू झाला आहे. तर, 80 हजारांहून अधिक जणांना या रोगाची लागण झालेली आहे. जगभरातील सुमारे 60 देशांमध्ये या रोगाचे रुग्ण आढळले आहेत. भारतातही या रोगाचे काही रुग्ण सापडले असून, त्यांच्यावर उपचार सुरु आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.